ბორის ჯონსონი - აბსურდი და სამარცხვინოა, რომ უინსტონ ჩერჩილის ძეგლს მოძალადე დემონსტრანტებისგან თავდასხმა ემუქრება

აბსურდი და სამარცხვინოა, რომ უინსტონ ჩერჩილის ძეგლს მოძალადე დემონსტრანტებისგან თავდასხმა ემუქრება. დიახ ის ზოგჯერ გამოხატავდა მოსაზრებებს, რომელიც მიუღებელი იყო და არის ჩვენთვის, მაგრამ ის გმირი იყო და ძეგლს იმსახურებს, - ამის შესახებ დიდი ბრიტანეთის პრემიერ-მინისტრმა ბორის ჯონსონმა ლონდონში დაგეგმილი საპროტესტო აქციების წინ დიდი ბრიტანეთის ყოფილი პრემიერ-მინისტრის, უინსტონ ჩერჩილის ძეგლი შეფუთვის გადაწყვეტილების კომენტირებისას განაცხადა.

მისივე თქმით, ძეგლები ქვეყნის ისტორიაა და „წარსულის შეცვლა ან ცენზურაში გატარება” შეუძლებელია.

„ეს ძეგლები ჩვენი წარსულის შესახებ გვიამბობენ, მთელი თავისი შეცდომებით. მათი ჩამონგრევა ჩვენი წარსულის შესახებ ტყუილის თქმა იქნება. წარსულის შეცვლა ან ცენზურაში გატარება შეუძლებელია,“- განაცხადა ბორის ჯონსონმა.

რამდენიმე დღის წინ ლონდონში ჯორჯ ფლოიდის მკვლელობის გამო გამართული საპროტესტო აქციების მონაწილეებმა უინსტონ ჩერჩილის ძეგლზე წარწერები დატოვეს: „ის რასისტი იყო“ და „ფერადკანიანთა სიცოცხლე მნიშვნელოვანია“. ლონდონის ხელისუფლებამ ანტირასისტული საპროტესტო აქციების წინ, რომელიც შაბათ-კვირისთვისაა დაგეგმილი, ჩერჩილის ძეგლის ვანდალიზმისგან დასაცავად მისი შეფუთვის გადაწყვეტილება მიიღო.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს