გიგა  ბოკერია - ირაკლი ღარიბაშვილი ივანიშვილის „კლოუნებს“ შორის პირველ ან მეორე ადგილზეა

სამარცხვინო „კლოუნობის“ საკითხში ირაკლი ღარიბაშვილი ივანიშვილის „კლოუნებს“ შორის პირველ ან მეორე ადგილზეა და მან პარლამენტში მისვლისას კიდევ ერთხელ დაადასტურა ეს, - ასე შეაფასა „ევროპული საქართველოს“ ერთ-ერთმა ლიდერმა გიგა ბოკერიამ თავდაცვის მინისტრის, ირაკლი ღარიბაშვილის პარლამენტში, „მინისტრის საათის“ ფორმატში გამოსვლა.

მისი თქმით, ღარიბაშვილმა ქვეყნის პრობლემებისა და გამოწვევების ნაცვლად, ძირათადად მის რეპუტაციაზე და იმაზე ილაპარაკა, როგორი გაღიზიანებულია ოპონენტების საფუძვლიანი კრიტიკის გამო.

„წულუკიანის არ იყოს, ღარიბაშვილი არის სიმბოლო, თუ როგორი არ შეიძლება იყოს თავდაცვის მინისტრი, საერთოდ პოლიტიკოსი, მაგრამ განსაკუთრებით ადამიანი, რომელსაც შეიარაღებული ძალები აბარია. ის ივანიშვილის „კლოუნებს“ შორის პირველ ან მეორე ადგილზეა სამარცხვინო „კლოუნობის“ საკითხში და მან პარლამენტში მისვლისას კიდევ ერთხელ დაადასტურა ეს. კაცმა ქვეყნის პრობლემებისა და ჩვენი გამოწვევების ნაცვლად, ძირათადად მის რეპუტაციაზე და იმაზე ილაპარაკა, როგორი გაღიზიანებულია ოპონენტების საფუძვლიანი კრიტიკის გამო. მართლა პირველყოფილი შეხედულებების ადამიანია. საკუთარი რეპუტაცია მას გონია, რომ არის იგივე, რაც ჯარისკაცებისა და შეიარაღებული ძალების რეპუტაცია, რომლებიც ჩვენი ქვეყნისთვის საკუთარ სიცოცხლეს რისკავენ. მართლა ასე გონია ამ კაცს, რომელიც ივანიშვილის რეჟიმშიც კი კორუფციისა და ნეპოტიზმის სიმბოლოდ იქცა“,-განაცხადა გიგა ბოკერიამ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე