მიხეილ ხიდურელი - ნიდერლანდების სამეფოს ელჩთან საუბარი შეეხო კონკრეტულ ჰოლანდიურ კომპანიებს, რომლებიც შესაძლოა საქართველოში ინვესტიციის განხორციელებით დაინტერესდნენ

დღეს, სააგენტოს „აწარმოე საქართველოში“ დირექტორმა მიხეილ ხიდურელმა და დირექტორის მოადგილემ თორნიკე ზირაქიშვილმა ნიდერლანდების სამეფოს საგანგებო და სრულუფლებიან ელჩს, ქალბატონ მააიკე ვან კოლდამს უმასპინძლეს. ამის შესახებ ინფორმაციას სააგენტო „აწარმოე საქართველოში“ ავრცელებს.

მათივე ცნობით, შეხვედრის ფარგლებში, ქართულმა მხარემ ელჩს ქვეყნის საინვესტიციო პოტენციალი და ბიზნესგარემო გააცნო. ამასთანავე, განხილულ იქნა ქვეყნებს შორის არსებული სავაჭრო და საინვესტიციო ურთიერთობების გაღრმავების შესაძლებლობები.

„საუბარი შეეხო კონკრეტულ ჰოლანდიურ კომპანიებს, რომლებიც შესაძლოა, საქართველოში ინვესტიციის განხორციელებით დაინტერესდნენ. მნიშვნელოვანია ქალბატონი ვან კოლდამის მხარდაჭერა, რათა შევძლოთ ზემოხსენებულ კომპანიებთან გვქონდეს მუდმივი კავშირი. საელჩოს ჩართულობა დაგვეხმარება ვანახოთ პოტენციურ ინვესტორებს ის უპირატესობები, რომლებიც ქვეყანას გააჩნია, როგორც გეოგრაფიული ადგილმდებარეობის, ასევე, ბიზნესის კეთების სიმარტივის კუთხით“, - განაცხადა მიხეილ ხიდურელმა.

როგორც სააგენტოში აცხადებენ, ჰოლანდიური მხარე გაეცნო მთავრობის მიერ ინიცირებული კერძო სექტორის მხარდაჭერის განახლებულ მექანიზმებს, რომლებიც შეთავაზებული იქნება არსებული და პოტენციური ინვესტორებისთვის, რათა ხელი შეეწყოს საქმიანობის გაფართოებას და ახალი საინვესტიციო პროექტების განხორციელებას.

ზვიად კირტავა - ფრთხილი ოპტიმიზმი შეიძლება მქონდეს, რომ შევძლებთ მოსახლეობის საყოველთაო ვაქცინაციას, მაგრამ ჯერჯერობით ფრთხილი, - გეგმა არ გვინახავს
ქართული პრესის მიმოხილვა 21.01.2021
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის