ირაკლი სესიაშვილი - 2012 წლამდე მილიარდ ნახევარი ფულია დაკარგული, თავდაცვის სამინისტრომ ოფშორულ ზონებში გადარიცხა

საქართველოს პარლამენტის თავდაცვისა და უშიშროების კომიტეტის თავმჯდომარის, ირაკლი სესიაშვილის განცხადებით, 2012 წლამდე თავდაცვის სამინისტროს ბიუჯეტიდან მილიარდ ნახევარია დაკარგული.

როგორც მან „პალიტრანიუსის“ გადაცემა „360 გრადუსში“ საუბრისას განაცხადა, თავდაცვის სამინისტრომ ქვეყნის ბიუჯეტიდან ამ ოდენობის თანხა ოფშორულ ზონებში გადარიცხა და არანაირი პროდუქცია ქვეყანას ამ თანხის სანაცვლოდ არ მიუღია.

„2012 წლამდე მილიარდ ნახევარი ფულია დაკარგული. თავდაცვის სამინისტრომ ჩვენი ქვეყნის ბიუჯეტიდან მოსახლეობის ფული, (თავდაცვის სამინისტროს მილიარდ ნახევარზე მაქვს საუბარი), ოფშორულ ზონებში გადარიცხა. არანაირი პროდუქცია საქართველოს არ მიუღია. ეს ფული უბრალოდ დაიკარგა. ვის ჯიბეში წავიდა, საკითხავია. საუბარია 2006/2007 წლებიდან. ეს ჩემი სიტყვები არ არის და არ გეგონოთ, რომ ეს ციფრი ჰაერიდან მომაქვს. ეს არის კონტროლის პალატის ოფიციალური დასკვნა. ეს ფული არ იძებნება. ყველა ეს საქმე პროკურატურას გადაეგზავნა. სამწუხაროდ ამ ფულის ბოლო წერტილები საერთოდ არ იძებნება. პირველი წერტილები არის კაბალური ხელშეკრულებები, სადაც დებ ხელშეკრულებას, კომპანიას ეუბნები, რომ გადმოგირიცხავ ამდენ ფულს, ხელშეკრულებით გათვალისწინებულს, მეორე ტრანსს რომ გადმოგირიცხავ, მომაწვდი პროდუქციას, ამ მეორე ტრანსს აღარ რიცხავდნენ და ეს ფული ჩვეულებრივ იკარგებოდა. მეტიც, არსებობს საშუალება, რომ კომპანიები დაიქირავო გარკვეული პროცენტის სანაცვლოდ და ეს ფული მოძებნო.

2012 წელს, როდესაც ჩვენ ხელისუფლებაში მოვედით, კონტროლის პალატების ხელმძღვანელი დაგხვდა, რომელიც „ნაციონალური მოძრაობის“ მიერ იყო არჩეული. ჩვენ ის კონტროლის პალატის ხელმძღვანელი იმიტომ მოვხსენით, რომ ჩვეულებრივად ვადით იყო არჩეული და სწორედ მის მიერ ჩატარებული დასკვნის საფუძველზე მივიღეთ ეს პასუხი. ამ შემთხვევაში თორდიაზე ვსაუბრობ“, - განაცხადა ირაკლი სესიაშვილმა.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო