დუნია მიატოვიჩი - ერთ-ერთი მნიშვნელოვანი დასკვნა, რომელიც პანდემიის ფონზე უკვე გაკეთდა იმაში მდგომარეობს, რომ ჩვენ მეტი თანასწორობა გვჭირდება

ერთ-ერთი მნიშვნელოვანი დასკვნა, რომელიც პანდემიის ფონზე უკვე გაკეთდა იმაში მდგომარეობს, რომ ჩვენ მეტი თანასწორობა გვჭირდება , - ამის შესახებ ევროპის საბჭოს ადამიანის უფლებათა კომისარმა დუნია მიატოვიჩმა ადამიანის უფლებათა უწყებათაშორისი საბჭოს სხდომის შემდეგ განაცხადა.

როგორც ევროპის საბჭოს ადამიანის უფლებათა კომისარმა აღნიშნა, პანდემიამ არა მხოლოდ სისუსტეები გამოააშკარავა ადამიანის უფლებების დაცვის სისტემაში, არამედ გამოავლინა მისი ყველაზე ფასეული ძალაც. „ერთერთი მნიშვნელოვანი დასკვნა, რომელიც პანდემიის ფონზე უკვე გაკეთდა იმაში მდგომარეობს, რომ ჩვენ მეტი თანასწორობა გვჭირდება. პანდემიამ არა მხოლოდ სისუსტეები გამოააშკარავა ადამიანის უფლებების დაცვის სისტემაში, არამედ გამოავლინა მისი ყველაზე ფასეული ძალაც. მოქალაქეთა ინტერესები და ცნობიერება ადამიანის უფლებების შესახებ გაიზარდა, როდესაც ყველამ საკუთარ თავზე გამოსცადა თავისუფლების შეზღუდვა. პანდემიას ექნება მნიშვნელოვანი მოკლევადიანი და გრძელვადიანი შედეგები. მათ შორის, მოიაზრება ეკონომიკური კრიზისი და მისი სოციალური საპასუხო ფაქტორები, რომლებიც ისე უნდა მოგვარდეს, რომ არ გააძლიეროს არსებული კრიზისის ისედაც უარყოფითი გავლენა ადამიანის უფლებებზე. მახარებს, რომ დღევანდელი განხილვის მნიშვნელოვანი ნაწილი აქცენტირებული იქნება ადამიანის უფლებების ეროვნულ სტრატეგიაზე. ადამიანის უფლებების სფეროში ქვეყნების ეროვნული სტრატეგიები და სამოქმედო გეგმები ქმედითი და მოქნილი ინსტრუმენტია მრავალი ასეთი საკითხის ჯეროვნად მოსაგვარებლად“ , - აღნიშნა დუნია მიატოვიჩმა.

ადამიანის უფლებები პანდემიის დროს - ამ თემის ირგვლივ საბჭოს სხდომის ფარგლებში, საქართველოს მთავრობის ადმინისტრაციის, საკანონმდებლო და აღმასრულებელი ხელისუფლებების, საერთაშორისო და ადგილობრივი ორგანიზაციების, სახალხო დამცველის აპარატისა და სხვა დაინტერესებული უწყებების წარმომადგენლებმა იმსჯელეს.

ვიდეოკონფერენციის ფორმატში გამართული სხდომა საქართველოს პრემიერ-მინისტრმა გიორგი გახარიამ მისასალმებელი სიტყვით გახსნა.

გიორგი გახარიას მისასალმებელი სიტყვის შემდეგ სხდომის მონაწილეებს სიტყვით მიმართეს ევროპის საბჭოს ადამიანის უფლებათა კომისარმა დუნია მიატოვიჩმა და ევროკავშირის ელჩმა საქართველოში, კარლ ჰარცელმა.

დუნია მიატოვიჩმა ყურადღება გაამახვილა ადამიანის უფლებების როლის გაძლიერებაზე .

„პანდემიას ექნება როგორც მოკლევადიანი, ისე გრძელვადიანი შედეგები, მათ შორის მოიაზრება ეკონომიკური კრიზისი და მისი სოციალური ფაქტორები, რომლებიც ისე უნდა მოგვარდეს, რომ არ გააძლიეროს არსებული კრიზისის ისედაც უარყოფითი გავლენა ადამიანის უფლებებზე,“ - აღნიშნა ევროპის საბჭოს ადამიანის უფლებათა კომისარმა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა