ჩინეთის ხელისუფლებამ პეკინში მდებარე მთავარი საბითუმო ბაზარი დროებით დახურა მას შემდეგ, რაც ჯანმრთელობის ეროვნულმა კომისიამ განაცხადა, რომ დედაქალაქში შიდა გავრცელების კიდევ 6 შემთხვევა დადასტურდა.
ჩინური მედიის ინფორმაციით, გადაწყვეტილება ხელისუფლებამ მას შემდეგ მიიღო რაც დადგინდა, რომ დაინფიცირებული პირებიდან ორი ბაზარში იმყოფებოდა.
მედიკოსები ბაზრის ყველა თანამშრომელს კორონავირუსზე ტესტირებას უტარებენ.
ცნობისათვის, ახალი შემთხვევების გამოვლენის გამო დედაქალაქის ხელისუფლებამ პირველიდან მესამე კლასამდე სკოლის მოსწავლეებისთვის ორშაბათისთვის დაგეგმილი სასწავლო პროცესის განახლება დროებით კვლავ გადადო.