მარიამ ჯაში -  უკვე მოდის ხმები, რომ მუნიციპალიტეტების დასუფთავების სამსახურში, ბაღებსა და სკოლებში დასაქმებულებს აფრთხილებენ, რომ ოპოზიციასთან თანამშრომლობაზე არ იფიქრონ

„ჩვენამდე უკვე მოდის სერიოზული ხმები, რომ სხვადასხვა მუნიციპალიტეტების მასშტაბით ხდება დასუფთავების სამსახურებში, ბაღებში, სკოლებში და სხვადასხვა საჯარო ინსტიტუტებში დასაქმებული ხალხის გაფრთხილება, რომ არავითარ შემთხვევაში არ იფიქრონ ოპოზიციურ პარტიებთან თანამშრომლობაზე“, - ამის შესახებ ფრაქცია „დამოუკიდებელი დეპუტატების“ თავმჯდომარემ მარიამ ჯაშმა საკონსტიტუციო ცვლილებების საერთო- სახალხო განხილვისას განაცხადა.

„ეს არის ინფორმაცია, რომელსაც მე ვღებულობ. შეიძლება არ დასტურდება, მაგრამ ძალიან სერიოზული ვარაუდი უკვე არის. გთხოვთ, რომ ყველამ მაქსიმალურად უზრუნველყოთ მსგავსი, თუნდაც ჭორების დონეზე გავრცელებული ინფორმაცია იყოს გამორიცხული“, - განაცხადა მარიამ ჯაშმა.

მან ასევე მიმართა საქართველოს პარლამენტის თავმჯდომარეს, არჩილ თალაკვაძეს, რომ ხელისუფლებამ არ დაუშვას რაიმე ტიპის ზეწოლა ბიზნეს სექტორის იმ წარმომადგენლებზე, ვინც ოპოზიციურ პარტიებს დაეხმარება.

„არაერთ ბიზნესმენს, რომელიც იყო წინა ადმინისტრაციის ტერორის მსხვერპლი და ვერ იპოვა სამართალი „ქართული ოცნების“ ხელისუფლებაში, აქვს სურვილი ჩვენი თანადგომის. მე ვსარგებლობ შემთხვევეით, რომ ბატონ არჩილს პირადად მივმართო, მან პირადად აიღოს პასუხისმგებლობა, როგორც ქვეყნის უმაღლესი საკანონმდებლო ორგანოს ხელმძღვანელმა, რომ არ დაუშვათ რაიმე ტიპის ზეწოლა ბიზნეს სექტორის იმ წარმომადგენლებზე, რომელსაც ექნება სურვილი ჩვენი ან სხვა ოპიზიციური პარტიის დახმარების. ჩვენ სერიოზულად ვითანამშრომლებთ დიპლომტიურ კორპუსთან და ნებისმიერი მსგავსი შემთხვევა იქნება კომუნიკაციის უმაღლეს რანგში აწეული“, - განაცხადა მარიამ ჯაშმა.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით