კარლ ჰარცელი - ნოდარ დუმბაძე  ბრძენი იყო, როდესაც გაითვალისწინა „მზიურის“ სივრცე, როგორც ბავშვების სკვერი, ვამაყობ, რომ მისი მემკვიდრეობა გრძელდება

„ვამაყობ, რომ ევროკავშირი, ევროკავშირის საინვესტიციო ბანკით იყო თანამონაწილე ამ საქმის, რომ მომხდარიყო „მზიურის“ ტრანსფორმაცია და გარდაქმნა ახალ „მზიურად“, - ამის შესახებ ევროკავშირის ელჩმა კარლ ჰარცელმა განახლებული „მზიურის პარკის“ გახსნაზე განაცხადა. ელჩის თქმით, „მზიურის პარკი“ არის უნიკალური პროექტი.

„მოხარული ვარ, რომ დღეს ამდენ ადამიანს ვხედავ, რომელიც ტკბება ამ მზიან დღეს ამ მშვენიერი სკვერით. ვამაყობ, რომ ევროკავშირი, ევროკავშირის საინვესტიციო ბანკით იყო თანამონაწილე ამ საქმის, რომ მომხდარიყო ცნობილი “მზიურის “ტრანსფორმაცია და გარდაქმნა ახალ მზიურად. ნოდარ დუმბაძე იყო ბრძენი, როდესაც გაითვალისწინა ეს სივრცე, როგორც ბავშვების სკვერი. მე ვამაყობ, რომ მისი ეს მემკვიდრეობა გრძელდება. მე ვიცი, რომ მისი ოჯახის წევრები აქ არიან და მინდა მოვისმინო მათი ფიქრები იმასთან დაკავშირებით, თუ რა განხორციელდა აქ. ჩემთვის ეს არის უნიკალური პროექტი, რადგან ეს არის უნიკალური სკვერი. ამავდროულად, ეს არის განუყოფელი ნაწილი ევროკავშირის იმ საქმიანობისა, რომელსაც იგი ახორციელებს საქართველოში და კერძოდ, თბილისში იმისთვის, რომ თბილისი გახდეს უფრო მწვანე ქალაქი. ეს ასევე არის სხვა საქმის ნაწილი, რომელიც ითვალისწინებს გამწვანებას, სუფთა ჰაერის შექმნას, ენერგოეფექტურობას, რადგან ეს ქვეყანა იმსახურებს იმას, რომ წარმოაჩინოს თავისი სრული სილამაზე. მე მესმის ამ პარკის სიმბოლიზმიც, 2015 წლის 13 ივნისს არ ვიყავი საქართველოში, მაგრამ ვიცი ის ტრაგედია, რომელიც თავს დაატყდა ამ ტერიტორიას. მე ასევე ვიცი, ის უპეცედენტო სოლიდარობა, რომელიც გამოამჟღავნეს ქართველებმა იმ დღეებში, იმ ახალგაზრდა ქართველებმა, რომელთა ნაწილიც ჩვენთან ერთად იმყოფება. მათ შორის არიან ის ბავშვები, რომელზეც ფიქრობდა ნოდარ დუმბაძე, როდესაც ჩამოაყალიბა “მზიურის” იდეა. ეს მემკვიდრეობა გაგრძელდება უფრო მწვანე, უფრო ჯანსაღი და ბედნიერი ახალი თაობებისთვის“, - განაცხადა კარლ ჰარცელმა.

იხილეთ ვიდეო: ნოდარ დუმბაძე ბრძენი იყო, როდესაც გაითვალისწინა „მზიურის“ სივრცე, როგორც ბავშვების სკვერი, ვამაყობ, რომ მისი მემკვიდრეობა გრძელდება - კარლ ჰარცელი

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის