მამუკა ხაზარაძე - სააკაშვილმა სიები ალბათ, თავის პარტიაში უნდა შეადგინოს

სააკაშვილმა სიები ალბათ, თავის პარტიაში უნდა შეადგინოს , - ასე გამოეხმაურა პოლიტიკური გაერთიანება „ლელო საქართველოსთვის" ლიდერი, მამუკა ხაზარაძე საქართველოს ყოფილი პრეზიდენტის მიხეილ სააკაშვილის მიმართვას, რომელმაც ოპოზიციურ პარტიებს ერთიანი საარჩევნო სიის შექმნისკენ მოუწოდა.

მამუკა ხაზარაძის თქმით, „ლელო საქართველოსთვის“ დამოუკიდებელი პარტიაა და ყოველგვარ გაერთიანებულ სიებს ემიჯნება.

„სააკაშვილმა სიები ალბათ, თავის პარტიაში უნდა შეადგინოს. ჩვენ, „ლელოს“ ჩვენი გზა გვაქვს. ჩვენ გვაქვს ჩვენი გეგმა და დამოუკიდებელი პარტია ვართ. ყოველგვარ, ასე ვთქვათ, რაღაც გაერთიანებულ სიებს ვემიჯნებით“, – განაცხადა მამუკა ხაზარაძემ.

ცნობისთვის, საქართველოს ყოფილი პრეზიდენტი მიხეილ სააკაშვილი ოპოზიციურ პარტიებს ერთიანი საარჩევნო სიის შექმნისკენ მოუწოდებს.

„ახლა არის სიტუაცია, როდესაც ყველამ უნდა გადავდოთ ამბიციები გვერდზე და გავაერთიანოთ მთლიანად ყველა ოპოზიციური ჯგუფი ერთიან სიაში - ეს არის ერთიანობის ყველაზე ზუსტი და სწორი ფორმა! ასეთია საქართველოს წინა გამოცდილებაც და ასეთია მსოფლიოს გამოცდილებაც“, - აცხადებს სააკაშვილი.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ