ლევან ბოძაშვილი - არჩევნების გადადების საჭიროება არ დადგება, თუ ესტონური მოდელით ჩატარდება - ყველა პარტია დიდგულზეა და ამბობს, რომ მოიგებს, წესით ასეთი სახით არჩევნების ჩატარების, არ უნდა ეშინოდეთ

უშიშროების საბჭოს მდივნის ყოფილი მოადგილის, ლევან ბოძაშვილის განცხადებით, 2020 წლის საპარლამენტო არჩევნების გადადების საჭიროება არ დადგება, თუკი არჩევნები ჩატარდება ე.წ. ესტონური მოდელით.

როგორც „ინტერპრესნიუსს“ ლევან ბოძაშვილმა განუცხადა, აღნიშნული მოდელი გულისხმობს, რომ არჩევნები ჩატარდეს ელექტრონული გზით, ამასთან ნარჩუნდება ფიზიკური ხმის მიცემის საშუალებაც.

ლევან ბოძაშვილის თქმით, პარტიებს წესით მსგავსი სახით არჩევნების ჩატარების არ უნდა ეშინოდეთ.

„არჩევნების გადადების საჭიროება არ დადგება თუ ის ესტონური მოდელით ჩატარდება. როგორც იცით ესტონეთი 2005 წლიდან ატარებს ელექტრონულ არჩევნებს და პარალელურად შენარჩუნებულია ჩვეულებრივი, ფიზიკური ხმის მიცემაც. ეს საშუალებას იძლევა მნიშვნელოვნად შეამციროს მასიური თავყრილობების საჭიროება არჩევნების დღეს და ასევე მეორე ტურისთვისაც, რომელიც ნოემბრის 21-ში უწევს. ამის გარდა, ათასობით ემიგრანტს მიეცემა საშუალება მონაწილეობა მიიღოს არჩევნებში. ის ადამიანები, ვისაც სურვილი ექნება ფიზიკურად მისცეს ხმა ბუნებრივია, კვლავ ისარგებლებენ ამდაგვარი საშუალებით, ამავე დროს ესტონური მოდელი უპირატესობას მაინც ფიზიკურ არჩევნებს ანიჭებს, თუ ელექტრონულად ხმის მიცემის შემდეგ პირმა გადაწყვიტა ფიზიკურად მისცეს ხმა.

არჩევნები ელექტრონულად ტარდება აშშ-შიც და სხვა არაერთ ქვეყანაში, მათ შორის მუნიციპალურ დონეზეც. გარდა იმისა, რომ დღეს არსებული ტექნოლოგიები საშუალებას იძლევა სრულად იყოს არჩევნები დაცული ჩარევისგან, ის ამავე დროს ამცირებს საარჩევნო ხარჯებს, და რაც ყველაზე მთავარია ეპიდემიოლოგიური სიტუაციის გაუარესების შემთხვევაში საშუალებას მოგვცემს ძალიან შევამციროთ გადადების რისკები.

რასაც ვხედავთ, ყველა პარტია დიდგულზეა და ამბობს, რომ მოიგებს არჩევნებს, ამიტომაც, წესით არ უნდა ეშინოდეთ ასეთი სახით არჩევნების ჩატარების, მით უმეტეს, რომ ფიზიკური არჩევნებიც ასევე შენარჩუნებული იქნება“, - განაცხადა ბოძაშვილმა.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 02.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის