ყაზახეთის ჯანდაცვის მინისტრს ელჟან ბირტანოვს კორონავირუსი დაუდასტურდა. ის ჰოსპიტალიზებულია. ბირტანოვი პირველი მინისტრია ქვეყანაში, რომელიც ვირუსით დაინფიცირდა .
მინისტრმა დაინფიცირების შესახებ „ტვიტერის“ გვერდზე დაწერა და აღნიშნა, რომ ეს უსიმპტომო ფორმა არ არის, რის გამოც ინფექციურ ჰოსპიტალში იმყოფება.
მინისტრის თქმით, დაინფიცირების რისკი მაინც არსებობს იმის მიუხედავად, იცავს თუ არა ადამიანი მკაცრ ზომებს, განსაკუთრებით მათთვის, ვისაც დისტანციურად მუშაობა არ შეუძლია.
დღეის მდგომარეობით, ყაზახეთში კორონავირუსის 14 238 შემთხვევა გამოვლინდა. გამოჯანმრთელებულია 9056 ადამიანი, გარდაიცვალა 73 პაციენტი.