ბეჟან გუნავას განცხადებით, „პატრიოტთა ალიანსი“ დატოვა და ახალ პოლიტიკურ ორგანიზაციას - „ქართული არჩევანი“ აფუძნებს

„პატრიოტთა ალიანსის“ წევრი ბეჟან გუნავა პარტიის რიგებს ტოვებს. როგორც გუნავამ „ინტერპრესნიუსთან საუბრისას აღნიშნა, მასთან ერთად პარტია 70-მდე ადამიანმა დატოვა.

ყოფილმა დეპუტატმა ბეჟან გუნავამ ახალი პოლიტიკური ორგანიზაციის „ქართული არჩევანის“ შექმნაც დააანონსა და სხვა პარტიის წევრებს მესამე მაგიდის შექმნისკენ მოუწოდა.

„გავაკეთეთ განცხადება „პატრიოტთა ალიანსის“ დატოვებასთან დაკავშირებით, ჩემთან ერთად მთლიანმა ახალგაზრდული ფრთის გუნდმა, დაახლოებით 70-მა ადამიანმა დატოვა პარტია. ვაფუძნებთ ახალ პოლიტიკურ ორგანიზაციას, რომელსაც დაერქმევა „ქართული არჩევანი“, რომლის მთავარი მიზანი და ამოცანა იქნება გაარღვიოს ის პოლარიზებული პოლიტიკური წრედი, რომელიც დღეს ქვეყანაში არსებობს. მოვუწოდებთ, როგორც ახლად შექმნილ, ასევე ძველ პოლიტიკურ ორგანიზაციებს, რომ შეიქმნას მესამე მაგიდა. ხალხს არ სურს არც „ნაციონალური მოძრაობა“, არც „ქართული ოცნება“ ამიტომ, ჩვენ მათ უნდა შევუქმნათ არჩევანი“, - განაცხადა ბეჟან გუნავამ.

მისივე თქმით, „პატრიოტთა ალიანსის დატოვების მთავარი მიზეზი მართვის პრინციპები და გადაწყვეტილებების მიღების ფორმები იყო, „სადაც ოპოზიციონერი პოლიტიკოსის ადგილი არ არის.“

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა