თურქეთის აღმოსავლეთით მომხდარი 5.7 მაგნიტუდის მიწისძვრის შედეგად ერთი ადამიანი დაიღუპა და 18 დაშავდა.

ერთი ადამიანი სოფელ კაინპარნარში, საპოლიციო განყოფილების კუთვნილი სადამკვირვებლო კოშკის ჩამონგრევის შედეგად დაიღუპა.

ამასთან, როგორც ბინგოლის პროვინციის გუბერნატორმა განაცხადა, მიწისძვრამ დააზიანა რამდენიმე სახლი. წინასწარი ინფორმაციით, საუბარია 10 შენობაზე.

თურქეთის ვიცე-პრეზიდენტი და შსს მინისტრი უკვე ჩავიდნენ პროვინციაში, რათა არსებული ვითარება შეისწავლონ.

ადგილობრივი მედიის ინფორმაციით, მიწისქვეშა ბიძგები იგრძნობოდა მეზობელ პროვინციებში, მათ შორის ერზურუმში, ტრაპიზონში, ერზანკანში, დიბირისტში, სიირტში, ელიაზიგში და მალატიაში.

სამძებრო-სამაშველო ღონისძიებები მიწისძვრის ეპიცენტრში გრძელდება.