ეროვნული ბიბლიოთეკის და დაავადებათა კონტროლის ეროვნულ ცენტრის წარმომადგენლები ახალქალაქს ესტუმრნენ

ეროვნული ბიბლიოთეკა დაავადებათა კონტროლისა და საზოგადოებრივი ჯანდაცვის ეროვნულ ცენტრთან ერთად ახალქალაქს ესტუმრა. როგორც „ინტერპრესნიუსს“ ეროვნული ბიბლიოთეკიდან აცნობეს, ახალქალაქის სამ სოფელში - კორხში, ოკამსა და ქარცეფში ქართულენოვანი ბიბლიოთეკები გაიხსნა.

დაავადებათა კონტროლის ეროვნული ცენტრისა და ახალქალაქის საზოგადოებრივი ჯანდაცვის ცენტრის წარმომადგენლებმა სამივე სოფლის სკოლებში გამართეს შეხვედრები და პედაგოგებს ტრენინგები ჩაუტარეს როგორც საზოგადოებრივი ჯანდაცვის მნიშვნელობაზე, ასევე Covid-19-თან დაკავშირებით. მოსახლეობას წიგნებთან ერთად ჩაუტანეს ჯანმრთელობის ხელშეწყობისა და Covid-19-ის შესახებ საგანმანათლებლო მასალა.

„ასეთი შეხვედრები განსაკუთრებით ეთნიკური უმცირესობებით დასახლებულ რეგიონებში აუცილებელია მოსახლეობის ცნობიერების ამაღლების მიზნით. ადამიანები ბევრად უფრო მომზადებულები უნდა იყვნენ მოსალოდნელ მეორე ტალღასთან შესახვედრად. მათ უნდა იცოდნენ წესების დაცვის მნიშვნელობა. შეხვედრაც ჩატარდა ამ წესების, ხელის ჰიგიენისა და დისტანციის დაცვით. ტრენინგს ახლდა თარგმანი“, - აცხადებს დაავადებათა კონტროლის ეროვნული ცენტრის წარმომადგენელი ნინო ბუაძე.

„მორიგი სამი სოფელი, მორიგი სამი ქართულენოვანი ბიბლიოთეკა - კორხი, ოკამი, ქარცეფი. შემოგვიერთდა დაავადებათა კონტროლის ეროვნული ცენტრი. მათთან ერთად სამედიცინო საინფორმაციო კუთხეები მოვაწყვეთ და მასწავლებლებმა სპეციალისტებისგან შესაბამისი რეკომენდაციები მიიღეს“, - განაცხადა ეროვნული ბიბლიოთეკის დირექტორმა გიორგი კეკელიძემ.

მოძრაობის მხარდამჭერია კომპანია "გალფი", წიგნები შემომწირველია ჯგუფი „წიგნის ჭიები“.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 18.01.2021
როგორ გაართვა თავი განათლების სისტემამ სწავლების დისტანციურ რეჟიმს? - პირველი სემესტრის შედეგებს განათლების მინისტრის მოადგილე აჯამებს
D ვიტამინის გავლენა რეპროდუქციულ ჯანმრთელობაზე