ლონდა თოლორაია - რამდენიმე სკოლა შევისწავლეთ, იყო შემთხვევები, როცა ბავშვების მონაცემების გადაცემა პოლიციისთვის არაკანონიერი საფუძვლით განხორციელდა

სახელმწიფო ინსპექტორის ლონდა თოლორაიას განცხადებით, ზოგიერთ სკოლაში ვიდეოთვალთვალის წესები მკაცრად არ არის რეგულირებული და იყო რამდენიმე შემთხვევა, როდესაც ვიდეოთვალთვალი ჰიგიენისთვის განკუთვნილ ადგილებში ხორციელდებოდა. მან იურიდიულ საკითხთა კომიტეტის სხდომაზე სახელმწიფო ინსპექტორის საქმიანობის შესახებ 2019 წლის ანგარიში წარადგინა და აღნიშნა, რომ არასრულწლოვნების პერსონალური მონაცემები განსაკუთრებით ფაქიზია.

„უნდა შევეხო არასრულწლოვანთა პერსონალურ მონაცემებს. სამსახურისთვის ეს მიმართულება ერთ-ერთი პრიორიტეტული იყო. განსაკუთრებით ფაქიზია არასრულწლოვნების პერსონალური მონაცემები, რომელიც ასევე ბევრ ადგილზე გროვდება, თუმცა, არასრულწლოვნების შესახებ ყველაზე მეტი მონაცემი სასკოლო-საგანმანათლებო დაწესებულებეში გროვდება. წლის განმალობაში ჩვენი ინიციატივით შევისწავლეთ რამდენიმე საჯარო და ასევე, კერძო სკოლა. აღმოვაჩინეთ, რომ ბავშვების მონაცემები იმაზე მეტი მოცულობით გროვდება, ვიდრე ეს კანონით ან კანონქვემდებარე აქტებით არის გათვალისწინებული. ასევე არის შემთხვევები, როდესაც ბავშვების დოკუმენტები ისეთ ადგილზე ინახება, რომელზეც ხელი მიუწვდებათ არა მხოლოდ უფლებამოსილ პირებს, არამედ სკოლის ადმინისტრაციიდან სხვა პირებსაც, რაც რა თქმა უნდა, საფრთხის შემცველია. ასევე, ზოგ შემთხვევაში, მკაცრად არ არის რეგულირებული ვიდეოთვალთვალის წესები და იყო რამდენიმე შემთხვევა, როდესაც ვიდეოთვალთვალი ჰიგიენისთვის განკუთვნილ ადგილებში ხორციელდებოდა. ასევე ძალიან მნიშვნელოვანია ვიდეო და სათვალთვალო კამერების მიერ დაფიქსირებული არასრულწლოვნების გამოსახულების ჩანაწერის შენახვის წესების დაცვა- ვის გადაეცემა ეს მონაცემები. სამწუხაროდ, დაფიქსირდა შემთხვევები, როდესაც ამ მონაცემების გადაცემა არაკანონიერი საფუძვლით განხორციელდა მაგალითად პოლიციის დაწესებულებებისთვის“,-განაცხადა თოლორაიამ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ
დეველოპერული კომპანია "ბლოქსი" მომხმარებლებს ბინებზე გრანდიოზულ ფასდაკლებას სთავაზობს
სადაზღვევო კომპანია "ბენეფიტსი" მცირე და საშუალო ბიზნესკომპანიებს სპეციალურ პირობებს სთავაზობს
FDA-იმ IQOS-თან დაკავშირებით გადაწყვეტილება მიიღო და კომპანიის მარკეტინგის უფლება მისცა  (R)