„ლელო საქართველოსთვის“ ლიდერებმა პროკურატურას მიმართეს

„ლელო საქართველოსთვის“ ლიდერებმა გიგლა მიქაუტაძემ, ანა ნაცვლიშვილმა და საბა ბუაძემ გენერალურ პროკურატურას ეკონომიკის ყოფილი მინისტრის, გიორგი ქობულიას სატელევიზიო ინტერვიუს საფუძველზე გამოძიების დაწყების მოთხოვნით მიმართეს და უწყებაში შესაბამისი განცხადება შეიტანეს. ამის შესახებ “ინტერპრესნიუსს” პარტიიდან აცნობეს.

მათი ცნობით, ერთ-ერთ სატელევიზიო ინტერვიუში ეკონომიკის ყოფილმა მინისტრმა გიორგი ქობულიამ პირდაპირი მინიშნება გააკეთა სახელმწიფო კომპანიებში არსებულ სისტემურ კორუფციაზე და სქემებზე, რაზეც, ასევე, დიდი ხანია საუბრობს პარტია „ლელო საქართველოსთვის“.

„ლელოს“ ლიდერების განცხადებით, საქართველოს სისხლის სამართლის კანონმდებლობის საფუძველზე, გენერალური პროკურატურა ვალდებულია ყოფილი მაღალი თანამდებობის პირის მიერ მასმედიით გაჟღერებულ კორუფციულ სქემასთან დაკავშირებით აწარმოოს გამოძიება. ამგვარად, გამოძიების წარმართვა პროკურატურის არა დისკრეციული უფლებამოსილება, არამედ კანონისმიერი ვალდებულებაა.

„ასობით სახელმწიფო საწარმო წარმოადგენს რეალურად ნეპოტიზმისა და კორუფციის წყაროს, წლებია, ამაზე საუბრობს არასამთავრობო სექტორი. ამაზე საუბარი ჩვენ, „ლელომ“ შექმნის პირველივე დღეს დავიწყეთ.

ორი დღის წინ ეკონომიკის ყოფილი მინისტრის ინტერვიუში პირდაპირ მოვისმინეთ საუბარი ჩინოვნიკებზე, რომლებიც სარგებელს იღებენ ამ კორუფციული სქემებიდან და ამაზე რეაგირება არის ნული. ეს უნდა დასრულდეს ოქტომბერში.

ხელისუფლება შეიცვლება და ყველა ეს სქემა ჩამოიშლება და სახელმწიფო საწარმოები მოემსახურება ეკონომიკას. მათი დიდი ნაწილის პრივატიზება მოხდება, ხოლო ის საწარმოები, რომელიც დარჩება სახელმწიფოს ხელში, იქნება მოგებაზე ორიენტირებული და სახელმწიფო ბიუჯეტი მათგან მიიღებს სარგებელს“, - განაცხადა გიგლა მიქაუტაძემ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან
ბათუმში ბალნეოლოგიურ-გამაჯანსაღებელი ცენტრი აშენდება
2020 წელს ინტელიექსპრესის მიერ საქართველოში შემოტანილი ფულადი გზავნილების მოცულობამ 265 მილიონ დოლარს გადააჭარბა
ეფექტური გზა რესპირაციული ინფექციების პრევენციისთვის