ბათუმის მერი - მოქალაქეებისგან რესტორნებზე შეტყობინება შემოვიდა, რომ 12 საათის შემდეგ ხმაური დაფიქსირდა, ამ საკითხზე მკაცრად უნდა განხორციელდეს კონტროლი

ბათუმის მერმა ლაშა კომახიძემ ვიცე-მერთან და მერიის სამსახურების წარმომადგენლებთან სხდომა გამართა. ამის შესახებ „ინტერპრესნიუსს“ ბათუმის მერიიდან აცნობეს. ლაშა კომახიძის თქმით, ბათუმში აქტიურად მიმდინარეობს ტურისტული სეზონისთვის მზადება.

,,დღეიდან ტურისტული სექტორი შიდა ტურიზმისთვის გაიხსნა. ჩვენს მოქალაქეებს უკვე აქვთ შესაძლებლობა, ესტუმრონ ბათუმს. აღსანიშნავია, რომ საქართველო ერთ-ერთი პირველი ქვეყანაა, რომელმაც შიდა ტურიზმი გახსნა. მოგეხსენებათ, რომ ბათუმი ევროპის ყველაზე უსაფრთხო მიმართულებების ტოპ ათეულშია. ბათუმში აქტიურად მიმდინარეობს ტურისტული სეზონისთვის მზადება. 8 ივნისიდან სასტუმროებმა ახალი რეგულაციების მიხედვით დაიწყო მუშაობა. სასტუმროები აღჭურვილი და გადაწყობილია უსაფრთხოების წესების შესაბამისად. მერიის მუნიციპალური ინსპექცია, საქართველოს ჯანდაცვის სპეციალისტებთან ერთად, რეგულარულად აწარმოებს ტურისტული ობიექტების, სასტუმროების, ღია და დახურული ტიპის აუზების, კაფე-ბარების, სილამაზის სალონებისა და ესთეტიკური ცენტრების მონიტორინგს. ამ დროისთვის უკვე შემოწმებულია 240-ზე მეტი ობიექტი. ყოველდღიურ რეჟიმში მიმდინარეობს მუნიციპალური ტრანსპორტისა და სამარშუტო ტაქსების მონიტორინგი. აქვე მინდა მივმართო მუნიციპალური ინსპექციის ხელმძღვანელს, რომ მოქალაქეების მხრიდან რამდენიმე შეტყობინება უკვე შემოვიდა სარესტორნო ქსელებთან დაკავშირებით, სადაც 12 საათის შემდეგ დაფიქსირდა ხმაური. ამ საკითხის თაობაზე კონტროლი მკაცრად უნდა განხორციელდეს. მინდა მოვუწოდო ყველას, მაქსიმალურად დავიცათ დაწესებული რეგულაციები, რათა შევძლოთ, ეფექტურად ვმართოთ პროცესები და შევინარჩუნოთ მწვანე ქალაქის სტატუსი“, - აღნიშნა ლაშა კომახიძემ.

ზაზა ფირალიშვილი - არ ჩანს დიდი იდეა, არ ჩანან პოლიტიკური აქტორები, რომლებიც თავისი გადამდები ენთუზიაზმით და ენერგიით „აამოძრავებდნენ“ საზოგადოებას
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 13.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ