დავით ბაქრაძე - განვიხილავთ ბიუჯეტს, რომელიც მთლიანად საგარეო ვალებზეა აწყობილი

გვყავს ხელისუფლება, რომელიც თავის ხარჯს არ იმცირებს, ბიუროკრატიულ პროექტებს არ ამცირებს, საკუთარ ფუფუნებაზე უარს არ ამბობს და 8 მილიარდიანი ვალით ვაპირებთ ეკონომიკის ფეხზე დაყენებას , - ამის შესახებ „ევროპული საქართველოს“ ლიდერმა დავით ბაქრაძემ ჟურნალისტებს 2020 წლის სახელმწიფო ბიუჯეტში შესატანი ცვლილებების პროექტთან დაკავშირებით განუცხადა.

მისი თქმით, მთავრობამ საკუთარი ხარჯი მხოლოდ 300 მილიონი ლარით შეამცირა მაშინ, როცა ქვეყანამ დამატებით 8 მილიარდი ლარის ოდენობის ვალი აიღო.

„დღეს განვიხილავთ ბიუჯეტს, რომელიც მთლიანად საგარეო ვალებზეა აწყობილი, ბიუჯეტს, სადაც წელს დამატებით 8 მილიარდ ლარს ვიღებთ და ეს იმ პირობებში, როდესაც მთავრობამ საკუთარი ხარჯი მხოლოდ 300 მილიონით შეიმცირა და გვეუბნება, რომ ვითომ ქამრებს იჭერს. ანუ გვყავს ხელისუფლება, რომელიც თავის ხარჯს არ იმცირებს, ბიუროკრატიულ პროექტებს არ ამცირებს, საკუთარ ფუფუნებაზე უარს არ ამბობს და 8 მილიარდიანი ვალით ვაპირებთ ეკონომიკის ფეხზე დაყენებას. 8.5 დეფიციტი აქვს ამ ახალ ბიუჯეტს, მსოფლიოში კიდევ ახალი ტალღა რომ წამოვიდეს ან ეკონომიკური კრიზისი გაღრმავდეს, საერთოდ კოლაფსში აღმოჩნდება საქართველოს ეკონომიკა. ამიტომ ეს არის უმძიმესი რეალობა, რომელიც შეიქმნა დღევანდელი ხელისუფლების არაეფექტური მუშაობის შედეგად და ვფიქრობ, ყოველი განვლილი დღე, კვირა, თუ თვე მუშაობს „ქართული ოცნების“ წინააღმდეგ,“ - განაცხადა დავით ბაქრაძემ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს ინტერნეტის და სასაუბრო პაკეტების ოთხ სააქციო პირობას სთავაზობს
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა