იტალიაში, რომის ცენტრში ასობით მედდა შეიკრიბა მანიფესტაციაზე უკეთესი სამუშაო პირობების მოთხოვნით.
მათი თქმით, ხელისუფლებამ პრაქტიკულად მიატოვა სამედიცინო სფეროს თანამშრომლები მას შემდეგ, რაც მათ უდიდესი წვლილი შეიტანეს პანდემიასთან ბრძოლაში.
ექთნების განცხადებით, თანამოქალაქეების მხრიდან მადლიერების სიტყვები და აპლოდისმენტები ფაქტიურად ერთადერთი კომპენსაცია აღმოჩნდა თავდაუზოგავი და ხშირად ზეგანაკვეთური სამსახურისთვის.