გასული დღე-ღამის განმავლობაში, იტალიაში, თებერვლის შემდეგ, პირველად, კორონავირუსით გარდაცვალების საკმაოდ დაბალი მაჩვენებელი დაფიქსირდა. ვირუსით 26 ადამიანი გარდაიცვალა. ამის შესახებ ადგილობრივი მედია იუწყება.

მთლიანობაში, ეპიდემიის დაწყებიდან დღემდე, ქვეყანაში 34 371 ადამიანი დაიღუპა. აღსანიშნავია, რომ წინა დღით, გარდაცვლილთა რაოდენობა 67 ადამიანს შეადგენდა.

მედიის ცნობით, 28 თებერვალს 21 ადამიანი გარდაიცვალა, 29 თებერვალს კი - 29 პაციენტი.

იტალიაში დაინფიცირებულთა რაოდენობა ბოლო დღე-ღამის განმავლობაში 301 ადამიანით გაიზარდა და მათი რაოდენობა 237 290-ს შეადგენს. გამოჯანმრთელებულია 177 010 პაციენტი.