გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. ამის შესახებ „ინტერპრესნიუსს“ კომპანია „ენერგო-პრო ჯორჯია“-დან აცნობეს.

„ქსელის გეგმური სარეაბილიტაციო სამუშაოების გამო, 16 ივნისს 11:00-დან 18:00 საათამდე ელექტროენერგიის მიწოდება შეეზღუდება აბონენტებს ყაზბეგის რაიონის სოფლებში სიონი, სტეფანწმინდა, გერგეთის უბანი, ფანშეტი, ჯუთა და მიმდებარე სოფლებში, 10:00-დან 10:05 საათამდე და 18:00-დან 18:05 საათამდე აბონენტებს მცხეთის რაიონის სოფლებში ძეგვი, ქსანი, ხეკორძი, ქსოვრისი და მიმდებარე სოფლებში. სარეაბილიტაციო სამუშაოების დასრულებისთანავე, ელექტროენერგიის მიწოდება ჩვეულ რეჟიმში აღდგება“,-ნათქვამია კომპანიის მიერ გავრცელებულ ინფორმაციაში.