თურქმა სამართალდამცავებმა ფეთჰულა გიულენის ორგანიზაციასთან კავშირში ეჭვმიტანილი 100-მდე პირი დააკავეს, მათ შორის შეიარაღებული ძალების მოქმედი წევრებიც არიან, - ამის შესახებ ინფორმაციას თურქული მედია ავრცელებს. მათივე ინფორმაციით, დაკავების ოპერაცია ქვეყნის 56 პროვინციაში ჩატარდა.

თურქეთის ხელისუფლება ფეთჰულა გიულენს 2016 წელს სამხედრო გადატრიალების მცდელობის ორგანიზებაში ადანაშაულებს. დაპირისპირებას მაშინ 251 ადამიანი ემსხვერპლა, 2 200-მდე კი - დაშავდა.