წყალმომარაგების კომპანია - 2020 წელს რეგიონებში წყლისა და წყალარინების ინფრასტრუქტურის 67 პროექტისთვის 202 მილიონამდე ლარი დაიხარჯება

საქართველოს გაერთიანებული წყალმომარაგების კომპანია, ამ დროისთვის, 34 მასშტაბურ ინფრასტრუქტურულ პროექტს ახორციელებს, წლის განმავლობაში კი დაგეგმილია კიდევ 33 ახალი პროექტის დაწყება. ამის შესახებ ინფორმაციას საქართველოს გაერთიანებული წყალმომარაგების კომპანია ავრცელებს.

მათივე ცნობით, წყალმომარაგებისა და წყალარინების სექტორებში, კომპანიის მიერ 67 ინფრასტრუქტურული პროექტის განხორციელება გულისხმობს როგორც ქსელების, ისე გამწმენდი ნაგებობების საპროექტო და სამშენებლო სამუშაოების შესყიდვასა და შესრულებას.

სამინისტროში აცხადებენ, რომ მიმდინარე და დაგეგმილი პროექტებით გათვალისწინებული სამუშაოების დასრულების შემდეგ, უწყვეტი წყალმომარაგებითა და წყალარინების გამართული სისტემით დაახლოებით 779 625 ადამიანი ისარგებლებს. 2020 წელს, ზუგდიდის წყლის სისტემის მშენებლობის დასრულების შედეგად, ქალაქის არსებობის ისტორიაში პირველად, მოსახლეობა უზრუნველყოფილი იქნება 24- საათიანი წყალმომარაგებით. ინფრასტრუქტურის სამინისტროს ინფორმაციით, ზუგდიდში შენდება ასევე, წყალარინების თანამედროვე სისტემები და გამწმენდი ნაგებობა. მიმდინარე წელს დასრულდება ჭიათურის წყალმომარაგების სისტემის მშენებლობა. ამ დროისთვის კი, პროექტის ფარგლებში, მოსახლეობის 70% უკვე გადაყვანილია უწვეტ წყალმომარაგებაზე.

უწყების ცნობით, გაერთიანებული წყალმომარაგების კომპანია აქტიურ სამუშაოებს ახორციელებს ასევე მარნეულში, ფოთში, აბაშაში, ოზურგეთში, აბასთუმანსა და თელავში, სადაც წყლის ახალი სისტემების და წყალარინების ინფრასტრუქტურის მოწყობა მიმდინარეობს. საერთაშორისო დონორი ორგანიზაციების (ADB, KfW, EIB) დაფინანსებით, მიმდინარე და დაგეგმილი პროექტების განხორციელებისთვის, კომპანია, 2020 წელს, 134 მილიონი ლარის, ხოლო სახელმწიფო ბიუჯეტის დაფინანსებით 70 მილიონამდე ლარის ათვისებას გეგმავს, მიმდინარე და დაგეგმილი პროექტების ჯამური ღირებულება კი 1.021.012.916 მლრდ ლარს შეადგენს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ