15 ივნისს საქართველოს უზენაესი სასამართლოს მოსამართლეებისა და ანალიტიკური სამსახურის თანამშრომლებისთვის, ადამიანის უფლებათა ევროპული სასამართლოს უახლესი პრაქტიკის საკითხებზე ვებინარი გაიმართა. ამის შესახებ ინფორმაციას უზენაესი სასამართლო ავრცელებს.
მათივე ცნობით, შეხვედრას ადამიანის უფლებათა ევროპული სასამართლოს იურისტი გიორგი ბადაშვილი უძღვებოდა, რომელმაც ისეთ აქტუალურ საკითხებზე ისაუბრა, როგორიც ევროპული კონვენციის მე-6 (საქმის სამართლიანი განხილვის უფლება) და მე-8 (პირადი და ოჯახური ცხოვრების დაცულობის უფლება) მუხლების ფარგლებში სასამართლოს 2019-2020 წლების პრეცედენტული გადაწყვეტილებებია.
უზენაესი სასამართლოს განმარტებით, შეხვედრა ევროპის საბჭოს პროექტის „სისხლის სამართლის მართლმსაჯულების რეფორმის მხარდაჭერა - სასამართლო რეფორმის სისხლის- სამართლებრივი ასპექტები“-ს ფარგლებში გაიმართა.