თუ წინასაარჩევნო კამპანიის დროს იმგვარი შეზღუდვები იქნება დაწესებული, რომ ეს შეზღუდვა გავრცელდება ჩემზე და არ გავრცელდება მაგალითად, პრემიერ-მინისტრზე, უმრავლესობის დეპუტატებზე, მერებსა და გუბერნატორებზე, ბუნებრივია, არჩევნების ლეგიტიმაცია კითხვის ნიშნის ქვეშ დადგება , - ამის შესახებ ფრაქცია "დამოუკიდებელი დეპუტატების" წევრმა ლევან გოგიჩაიშვილმა ჟურნალისტებს განუცხადა.

მისი თქმით, მნიშვნელოვანია არა როდის ჩატარდება არჩევნები, არამედ - როგორ.

"ჩვენთვის ჩატარდება, რა პირობები იქნება ამისთვის დაცული, რომ თანაზიარობის პრინციპიდან გამომდინარე, ჩვენი პოტენციალის გამოყენება მაქსიმალურად შევძლოთ. ეს არის ჩვენთვის პრინციპულად მნიშვნელოვანი საკითხი. მე თუ ჩამკეტეს, თუ ვერ ვიარე და ვერ დაველაპარაკე მოქალაქეებს, არ მექნა შესაძლებლობა, გამოვიყენო ის პოტენციალი, რაც გამაჩნია, მაშინ ეს არჩევნები ძალიან მძიმე იქნება, ლეგიტიმაციის თვალსაზრისით. შეიძლება ხელისუფლებამ გადააგოროს ერთი-ორი თვით, მაგრამ დაბალი ლეგიტიმაციის ხელისუფლება ყოველთვის არის იმ რისკის მატარებელი, რომ ის შეიძლება სხვაგვარა შეიცვალოს.

თუ წინასაარჩევნო კამპანიის დროსიმგვარი შეზღუდვები იქნება დაწესებული, რომ ეს შეზღუდვა გავრცელდება ჩემზე და არ გავრცელდება მაგალითად, პრემიერ-მინისტრზე, უმრავლესობის დეპუტატებზე, მერებსა და გუბერნატორებზე, ბუნებრივია, არჩევნების ლეგიტიმაცია კითხვის ნიშნის ქვეშ დადგება", - განაცხადა გოგიჩაიშვილმა.