სომხეთის პარლამენტმა ოპოზიციური პარტიის, „აყვავებული სომხეთის“ ლიდერ გაგიკ ცარუკიანს დეპუტატის იმუნიტეტი შეუჩერა, - ინფორმაციას ამის შესახებ Armenpress.am-ი ავრცელებს.
გამოცემის ცნობით, ცარუკიანისთვის უფლებამოსილების შეჩერებას 87-მა დეპუტატმა დაუჭირა მხარი, წინააღმდეგი კი არავინ წასულა.
აღსანიშნავია, რომ ფრაქციების, „გაბრწყინებული სომხეთისა“ და „აყვავებული სომხეთის“, წევრებმა კენჭისყრაში მონაწილეობაზე უარი განაცხადეს.
შეგახსენებთ, გაგიკ ცარუკიანისთვის დეპუტატის იმუნიტეტის შეჩერების შუამდგომლობით პარლამენტს სომხეთის გენერალურმა პროკურორმა არტურ დავთიანმა მიმართა. ცარუკიანს პროკურატურა „ფულის გათეთრებასა“ და არჩევნების დროს ამომრჩეველთა მოსყიდვაში ადანაშულებს. ოპოზიციონერი დეპუტატი ბრალდებებს უარყოფს და პოლიტიკურ დევნაზე საუბრობს.