ანა დოლიძე - პოლიტიკურ საქმიანობას როგორც კი შევუდგები, კანონის შესაბამისად მივიღებ გადაწყვეტილებას, მოძრაობა "ხალხისთვის" არის არასამთავრობო ორგანიზაცია

იუსტიციის უმაღლესი საბჭოს არამოსამართლე წევრის ანა დოლიძის განცხადებით, პოლიტიკური განცხადებების გაკეთება იუსტიციის საბჭოს წევრს არც ერთი კანონით არ ეკრძალება. ამის შესახებ დოლიძემ ჟურნალისტებს განუცხადა, რითაც უპასუხა დასმულ შეკითხვას, უნდა აკეთებდეს თუ არა საბჭოს წევრი სხვადასხვა პოლიტიკურ საკითხებზე განცხადებებს.

ანა დოლიძის განმარტებით, კანონმდებლობით გამიჯნულია პოლიტიკური (საბჭოს წევრისთვის) საქმიანობა, რომლის განმარტებაც არსად არ არის მოცემული. დოლიძის თქმით, იუსტიციის საბჭოს წევრს კონფლიქტი წარმოეშობა თუ ის პოლიტიკურ საქმიანობას შეუდგება".

რაც შეეხება პოლიტიკური შინაარსის განცხადებებს, როგორც დოლიძემ აღნიშნა, ამ ტიპის განცხადებებს, მათ შორის, სასამართლოსთან მიმართებით დიდი ხანია აკეთებს.

მისივე თქმით, პოლიტიკური საქმიანობა მოწესრიგებულია პოლიტიკური აქტივობის შესახებ კანონით, რომელიც პირდაპირ ეხება პოლიტიკურ პარტიებს.

"პოლიტიკურ საქმიანობას როგორც კი შევუდგები, კანონის შესაბამისად მივიღებ გადაწყვეტილებას. რაც შეეხება არასამთავრობო ორგანიზაციების თავმჯდომარეობას, პირველივე დღიდან, რაც მე იუსტიციის საბჭოში ვარ, ვიყავი და ვაგრძელებ რამდენიმე არასამთავრობო ორგანიზაციის თავმჯდომარეობას. მოძრაობა "ხალხისთვის" არის არასამთავრობო ორგანიზაცია.სამართლებრივად, ბოლო დროის განმავლობაში არაფერი შეცვლილა, ამიტომ ახალი საფუძველი არ წარმოშობილა. ყველა განცხადება, რომელიც თუნდაც ეხება სასამართლოში "კლანის" არსებობას, სასამართლო პოლიტიკის შეცვლას, ვიღაცამ შეიძლება ჩათვალოს, რომ ეს პოლიტიკური განცხადებაა. მსგავსი განცხადებები სასამართლო პოლიტიკასთან დაკავშირებით კეთდება იუსტიციის საბჭოს სხვა წევრებისგანაც.

ჩემი საბჭოში მოსვლის დღიდან, მე ირაკლი შენგელიასთან მქონდა კამათი, როცა ის საშუალებას არ აძლევდა ნაზი ჯანეზაშვილს ხმა ამოეღო. მე ხმამაღალ განცხადებებს ვაკეთებ, მათ შორის, სასამართლოს პოლიტიკის შეცვლასთან მიმართებაში. გასაგებია, რომ ბევრს ეს განცხადება დისკომფორტს ანიჭებს, თუმცა ვფიქრობ, რომ ამ საზოგადოებაში, ამას უნდა შევეგუოთ", - განაცხადა დოლიძემ.

ცნობისთვის, შვიდმა არასამთავრობო ორგანიზაციამ გაავრცელა ერთობლივი განცხადება, რომლის მიხედვითაც ისინი იუსტიციის უმაღლესი საბჭოს არამოსამართლე წევრს ანა დოლიძეს მოუწოდებენ, თუ მომავალში პოლიტიკურ საქმიანობას აპირებს, თანამდებობა დატოვოს.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო