ბრაზილიაში ბოლო 24 საათში კორონავირუსის 34 918 შემთხვევა დადასტურდა და დაინფიცირებულთა რაოდენობა 923 189-მდე გაიზარდა, - ამის შესახებ ინფორმაციას CNN-ი ბრაზილიის ჯანდაცვის სამინისტროზე დაყრდნობით ავრცელებს.

ტელეკომპანიის ცნობით, ქვეყანაში კორონავირუსს 1 282 ადამიანის სიცოცხლე ემსხვერპლა და დაღუპულთა საერთო რიცხვმა 45 241-ს მიაღწია.

ცნობისათვის, როგორც კოვიდინფიცირებულების, ასევე ვირუსით დაღუპულთა რაოდენობით ბრაზილია მეორე ადგილზე დგას მსოფლიოში აშშ-ის შემდეგ.