ფოთში ტანსაცმლის ბაზრობაზე ხმაური იყო

ფოთში ტანსაცმლის ბაზრობაზე ხმაური იყო. დილით მისულ მოვაჭრეებს ბაზრობის შესასვლელი კარი დაკეტილი დახვდათ. მათი განცხადებით, ბაზრის ადმინისტრაციამ ამის მიზეზად უსაფრთხოების ნორმების დარღვევა დაასახელა. მათივე თქმით, ტანსაცმლის ბაზრობამდე მისასვლელი გზა გარემოვაჭრეებს აქვთ ჩახერგილი და შესაბამისმა სამსახურმა ეს საკითხი უნდა მოაგვაროს.

,,აქ სამი წლის წინ იყო ხანძარი, იგივე რომ განმეორდეს დაცული არ ვართ, სახანძროს მანქანა ვერ შემოვა, რადგან ამას ხელს უშლიან გარემოვაჭრეები, გარე პერიმეტრზე განთავსებული მაღაზიები. ჩვენამდე მოსასვლელი გზა ჩახერგილია. მერია ამ საკითხს ვერ აგვარებს და მეპატრონე ამბობს, რომ ის ტერიტორია უნდა გათავისუფლდეს. მერიის კომპანტეციაში თუ არ შედის ის, რომ ვიღაცეები გაყარონ, ან ჯარიმები დაუწესონ, არ ვიცი. თუ ჩვენი გაყრა უნდათ, პირდაპირ გვითხრან“, - განაცხადა მოვაჭრე შორენა თვალთვაძემ.

ბაზრის დირექციაში აცხადებენ, რომ საჭიროების შემთხვევაში, ტანსაცმლის ბაზრობამდე სახანძრო თუ სხვა ტექნიკის მიყვანა ჩახერგილი გზის გამო შეუძლებელი იქნება. მათივე თქმით, ვიდრე მერიის შესამაბისი სამსახურები პრობლემას არ მოაგვარებენ, მოვაჭრეებმა სამუშაო პროცესი არ უნდა განაახლონ.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს