კავკასიის მედიცინის ცენტრის დირექტორის განცხადებით, ლიფტის ჩაწყვეტის შედეგად დაშავებული მამაკაცის ჯანმრთელობის მდგომარეობა სტაბილურად მძიმეა

თბილისში, ბაგრატიონის ქუჩაზე ლიფტის ჩაწყვეტის შედეგად დაშავებული 48 წლის მამაკაცის ჯანმრთელობის მდგომარეობა სტაბილურად მძიმეა, - ამის შესახებ კავკასიის მედიცინის ცენტრის დირექტორმა ნათია ნუცუბიძემ განაცხადა. მისივე თქმით, პაციენტს სიცოცხლესთან შეუთავსებელი დაზიანებები არ აღენიშნება.

კლინიკის დირექტორის განმარტებით, გუშინ, შემთხვევის ადგილიდან, კავკასიის მედიცინის ცენტრში 2 პაციენტი შეიყვანეს: 48 წლის მამაკაცი და 34 წლის ქალი, რომელსაც აღენიშნებოდა მსუბუქი დაზიანებები წელისა და ტერფის მიდამოებში. ნათია ნუცუბიძის თქმით, ქალს დაუმუშავდა ჭრილობები, მოხდა სრული დიაგონისტიკა და შესაბამისი დანიშნულებით, სტაბილური მდგომარეობით დღეს დილით გაეწერა ბინაზე.

„48 წლის მამაკაცი შემოყვანილი იყო მხრისა და წვივის ძვლების, ასევე წელის მეოთხე მალის მოტეხილობით. მას ღამე ჩაუტარდა ტრავმატოლოგიური ჩარევა. დღეს დილით შეიყვანეს ნეიროქირურგიულ ჩარევაზე, მიმდინარეობს წელის მე-4 მალის ფიქსაცია“, - განაცხადა ნათია ნუცუბიძემ.

ცნობისთვის, თბილისში ბაგრატიონის ქუჩაზე ლიფტის ჩაწყვეტის შედეგად 4 ადამიანი დაშავდა, მათ შორის ერთი არასრულწლოვანია.

იხილეთ ვიდეო

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია