ჩინეთს ინდოეთის საზღვარზე შეტაკებების გაგრძელება არ სურს და ორივე ქვეყანა სიტუაციის დიალოგის საშუალებით მოგვარებას ცდილობს, - ამის შესახებ ჩინეთის საგარეო საქმეთა სამინისტროს პრესსპიკერმა ჩჟაო ლიცზიანიმ განაცხადა.
მისივე თქმით, ჩინეთი მომხდარ ინციდენტში დამნაშავე არაა.
„ჩინეთი მომხდარ ინციდენტში დამნაშავე არაა. სიტუაცია საზღვარზე სტაბილური და კონტროლირებადია,“- განაცხადა ჩჟაო ლიცზიანიმ.
ქაშმირის რეგიონში, ლადახშის პროვინციაში ჩინელ და ინდოელ ჯარიკაცებს შორის შეტაკების შედეგად 20 ინდოელი ჯარისკაცი დაიღუპა. ზოგიერთი ინდური მედიასაშუალების ინფორმაციით, დაღუპული და დაჭრილი ჩინელი სამხედროების რიცხვი 35-ია.