უდიდესი ალბათობით, საკონსტიტუციო ცვლილებების მიღებას შევძლებთ, რადგან ჩვენ გარდა, არაერთ დეპუტატს ღიად აქვს გაცხადებული, რომ მას მხარს დაუჭერს, - ამის შესახებ საპარლამენტო უმრავლესობის ლიდერმა მამუკა მდინარაძემ ჟურნალისტებს განუცხადა. მდინარაძე ირწმუნება, რომ კონსტიტუციურ კანონის პროექტს საპარლამენტო უმრავლესობის თითოეული წევრი მხარს დაუჭერს.

„მე, როგორც უმრავლესობის ლიდერი, სრული პასუხისმგებლობით ვაცხადებ, რომ „ქართული ოცნების“ საპარლამენტო გუნდი სრულად დაუჭერს მხარს საკონსტიტუციო ცვლილებებს. ჩვენ სხვის ნაცვლად პასუხს ვერ ვაგებთ. ამის მიუხედავად, შეგვიძლია ვთქვათ, რომ უდიდესი ალბათობით, ჩვენ შევძლებთ ამ ცვლილებების მიღებას იმიტომ, რომ ჩვენ გარდა, არაერთ დეპუტატს ღიად აქვს გაცხადებული, რომ მას მხარს დაუჭერს. წარმოუდგენელია უკან წაიღონ თავიანთი სიტყვები ოპოზიციის იმ წარმომადგენლებმა, რომლებმაც უკვე დააფიქსირეს თავიანთი მხარდაჭერა. იმასაც წინასწარ გეუბნებით, არანაირი პრობლემა არ იქნება იმ თვალსაზრისით, რომ უმრავლესობა მხარს დაუჭერს ცვლილებების იმ პროექტს, რაც 8 მარტს გაფორმდა,“ - განაცხადა მდინარაძემ.