გიგა ბოკერია - საოცარი დღეა, უკვე მეორე რამეში უნდა დავეთანხმო ბატონ გახარიას - შემდეგი პარლამენტი იქნება ბევრად უკეთესი, ვიდრე ახლანდელი

ვეთანხმები გახარიას, რომ პოლიტიკურად პასუხს აგებენ არჩევნებზე. ეგ სრული სიმართლეა, დანარჩენი არის უტიფარი ბოდვა“, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ განაცხადა, რითაც გამოეხმაურა პრემიერ -მინისტრის განცხადებას იმის შესახებ, რომ „ხელისუფლება იყო ვალდებული, 20 ივნისის ღამეს პარლამენტის შტურმით აღება არ დაეშვა და პოლიტიკური პასუხი ოქტომბერში იქნება“.

ბოკერიას განცხადებით, ხელისუფლება „უტიფარ პროპაგანდას“ აგრძელებს.

„რაზე იყვნენ ვალდებულები, რომ გავრილოვი ჩამოეყვანათ საქართველოში და პარლამენტის თავმჯდომარის სკამზე დაესვათ? ვალდებული იყვნენ, არ შემოეშვათ საქართველოში. რატომ იყვნენ ვალდებული, რომ სპეცრაზმი გამოეყვანათ შენობის გარეთ და ინციდენტების რისკები გაეზარდათ გაბრაზებულ მომიტინგეებთან? რა შტურმზეა ლაპარაკი, ყველამ ვიცით, რაც მოხდა. იყო პატარა ნაწილი გაბრაზებული მომიტინგეების, რომელთა ქმედებებს ჩვენ არ ვამართლებთ, მაგრამ 99% აქციის იყო მთლიანად მშვიდობიანი. სპეცრაზმი რატომ გამოიყვანეს ღობის გარეთ? იმ ღობიდან ვერავინ შევიდოდა იქ და რომც შესულიყო, იქ დაეკავებინათ მერე. რა სისულელეა, ეს არის უტიფარი ბოდვა. ძალიან ცუდია ქვეყნისთვის, რომ ამდენი ხნის შემდეგ, როდესაც ახალგაზრდებმა თვალი დაკარგეს, როცა კობახიძე გადადგა და ვითომ მოინანიეს, როცა ხალხის გაბრაზება დაინახეს და ახლა, როცა ჰგონიათ, რომ ეს ბრაზი გაქრა და მაგრად ცდებიან, ამ უტიფარ პროპაგანდას აგრძელებენ“, - განაცხადა ბოკერიამ.

რაც შეეხება კითხვას, მიიღებს თუ არა „ევროპული საქართველო“ 20 ივნისს დაგეგმილ აქციაში მონაწილეობას, ბოკერიამ განაცხადა, რომ პარტია შეუერთდება აქციას.

„20 ივნისს არაფერია დაგეგმილი, გარდა მშვიდობიანი საპროტესტო აქციისა, რომელსაც აქტივისტები მართავენ და ჩვენ შევუერთდებით აუცილებლად“, - აღნიშნა ბოკერიამ.

ის ასევე გამოეხმაურა პრემიერის განცხადებას იმის შესახებ, რომ „მომავალი პარლამენტი იქნება უფრო კვალიფიციური და საქმიანი“ და აღნიშნა, რომ „შემდეგი პარლამენტი იქნება ბევრად უკეთესი, ვიდრე ახლანდელი იმიტომ, რომ ივანიშვილის გუნდი დამარცხდება“.

„რაღაც საოცარი დღეა, უკვე მეორე რამეში უნდა დავეთანხმო ბატონ გახარიას. შემდეგი პარლამენტი იქნება ბევრად უკეთესი, ვიდრე ახლანდელი იმიტომ, რომ ივანიშვილის გუნდი დამარცხდება და ის იქნება უმცირესობაში. დემოკრატიულ კოალიციაში ის ძალები, რომელსაც აქვს მყარი შეხედულებები სამოქალაქო თავისუფლებებზე, პატარა მთავრობაზე, საგადასახადო წნეხის შემცირებაზე და ხალხისთვის მეტი დოვლათის დატოვებაზე, ის ძალები, როგორიცაა „ევროპული საქართველო“ და ჩვენი სხვა მოკავშირეები, იქნებიან უმრავლესობაში და უკეთესი პარლამენტი იქნება ნამდვილად“, - განაცხადა ბოკერიამ.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე