უკრაინის ელჩი საქართველოში ჟურნალისტებს - გაქვთ იმის შეგრძნება, რომ ორმხრივ ურთიერთობაში რამე დაზიანდა?

ქართველ და უკრაინელ ხალხს სურთ, პოლიტიკოსებმა კიდევ მეტი გავაკეთოთ კიდევ უფრო ახლო ორმხრივი ურთიერთობების დასამყარებლად, - ამის შესახებ უკრაინის ელჩმა საქართველოში იგორ დოლგოვმა პარლამენტში უმრავლესობის ლიდერ მამუკა მდინარაძესთან შეხვედრის შემდეგ განაცხადა, რითაც მან უპასუხა ჟურნალისტების კითხვას იმასთან დაკავშირებით, დააზიანა თუ არა ყოფილი პრეზიდენტის მიხეილ სააკაშვილის გარშემო ბოლო დროს განვითარებულმა მოვლენებმა უკრაინა-საქართველოს ორმხრივი ურთიერთობები.

„გაქვთ იმის შეგრძნება, რომ ორმხრივ ურთიერთობაში რამე დაზიანდა? ჩემი პასუხი ამ კითხვაზე ყოველთვის არის ის, რომ საქართველოსა და უკრაინას შორის სტრატეგიული პარტნიორობა ჩვენი ორმხრივი ურთიერთობის ფუნდამენტური პრინციპია და ქართველ და უკრაინელ ხალხს სურთ, ჩვენ, პოლიტიკოსებმა მეტი გავაკეთოთ და კიდევ უფრო ახლო ურთიერთობები დავამყაროთ ჩვენს ქვეყნებსა და ერებს შორის,“- განაცხადა უკრაინელმა დიმპლომატმა.

მისივე თქმით, უკრაინელები მოუთმენლად ელოდებიან საქართველოში ჩამოსვლისა და დასვენების შესაძლებლობას როგორც კი რეგულარული საჰაერო მიმოსვლა აღდგება.

„განვიხილეთ ორმხრივი ურთიერთობები, კორონავირუსთან დაკავშირებული საკითხები. როგორც ვხედავთ, საქართველო თანდათან ხსნის შიდა ტურიზმისთვის სივრცეებს. უკრაინელები ელოდებიან საქართველოში ჩამოსვლისა და არდადაგების აქ გატარების შესაძლებლობას როგორც კი რეგულარული საჰაერო მიმოსვლა აღდგება,“- განაცხადა უკრაინელმა დიპლომატმა.

ცნობისათვის, უკრაინის ელჩმა საქართველოში იგორ დოლგოვმა უმრავლესობის ლიდერ მამუკა მდინარაძესთან პარლამენტში შეხვედრა გამართა.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა