ტექნიკური უნივერსიტეტის არქიტექტურის ფაკულტეტზე აბიტურიენტებთან ხატვასა და ხაზვაში გასაუბრება 1-ელი ივლისის ჩათვლით გაგრძელდება

საქართველოს ტექნიკური უნივერსიტეტის არქიტექტურისა და მოდის დიზაინის ტექნოლოგიების საბაკალავრო პროგრამებზე ჩაბარების მსურველი აბიტურიენტებთან ხატვასა და ხაზვაში გასაუბრება 1-ელი ივლისის ჩათვლით გაგრძელდება. ამის შესახებ „ინტერპრესნიუსს“ ტექნიკური უნივერსიტეტის საზოგადოებასთან ურთიერთობის დეპარტამენტიდან აცნობეს.

სტუ-ის საზოგადოებასთან ურთიერთობის დეპარტამენტის ცნობით, ქართულენოვანი საბაკალავრო პროგრამის - „არქიტექტურა“ და რუსულენოვანი საბაკალავრო პროგრამის - „Архитектура“ არჩევის შემთხვევაში, ერთიან ეროვნულ გამოცდებამდე აბიტურიენტმა ხატვასა და ხაზვაში გასაუბრება უნდა გაიაროს.

ქართულენოვანი საბაკალავრო პროგრამის - „მოდის დიზაინის ტექნოლოგიები“ არჩევის შემთხვევაში კი, ერთიანი ეროვნული გამოცდებამდე აბიტურიენტმა გასაუბრება მხოლოდ ხატვაში უნდა გაიაროს.

„გასაუბრების მიზანია აბიტურიენტის სივრცული აღქმის უნარის გამოვლენა და მისი გრაფიკული მომზადების დონის განსაზღვრა. დაინტერესებული აბიტურიენტებისთვის გასაუბრების პირობებისა და წარმოსადგენი ნამუშევრების შესახებ დეტალური ინფორმაცია ხელმისაწვდომია ტექნიკური უნივერსიტეტის ოფიციალურ ვებგვერდზე, ბმულით: https://gtu.ge/News/14931/.

ხატვასა და ხაზვაში გასაუბრება ჩატარდება 2020 წლის 1-ელი ივლისის ჩათვლით, ყოველდღე (კვირის გარდა), 11:00-დან 18:00 საათამდე, საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტზე, N402 აუდიტორიაში:

მისამართი: თბილისი, მერაბ კოსტავას 77, I – C კორპუსი; საკონტაქტო ნომრები: 2 33 71 63; +995 599 514 819; საპრეტენზიო განაცხადის მიღება იწარმოებს 2 ივლისს 10:00-დან 15:00 საათამდე; საბოლოო შედეგები გამოცხადდება 3 ივლისს", - ნათქვამია ინფორმაციაში.

მათივე ცნობით, გასაუბრების დაწყებამდე აბიტურიენტმა უნდა წარმოადგინოს პირადობის მოწმობა ან პირადობის დამადასტურებელი დოკუმენტი (დედანი და მისი ასლი). აბიტურიენტს მოეთხოვება იქონიოს პირბადე.

ტექნიკურ უნივერსიტეტში გასაუბრება ჯანდაცვის სამინისტროს რეკომენდაციებისა და პანდემიის გავრცელების საპრევენციო ღონისძიებების სრული დაცვით ჩატარდება.

ევროკავშირის სადამკვირვებლო მისიის ხელმძღვანელი - ახლა უმთავრესი გამოწვევა დიალოგის განახლებაა, წინააღმდეგ შემთხვევაში, ვშიშობ, რომ ადგილზე გვექნება გართულებული ვითარება
ლევან ნატროშვილი - მიუხედავად იმისა, რომ საარჩევნო კოდექსში ბევრი დადებითი ცვლილება განხორციელდა, ისინი ბოლომდე ვერ პასუხობს  ეუთო/ოდირის რეკომენდაციებს
ქართული პრესის მიმოხილვა 01.07.2020
აჭარის ტურიზმის დეპარტამენტის თავმჯდომარე - მოვუწოდებ ყველა ქართველს, იმოგზაურონ ჩვენს რეგიონში, მათთვის ბევრი საინტერესო პროდუქტი გვაქვს
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ
„ვისოლი“ Smart Pay ფორმატის ავტოგასამართი სადგურების ქსელს ავითარებს
Apple Pay ხალიკ ბანკი საქართველოს მომხმარებლებისთვის