ირაკლი ჩიქოვანი - ევროპისთვის აღმოსავლეთ პარტნიორობა და მათ შორის საქართველო პრიორიტეტული მიმართულებაა, რომლის განვითარებაზე ერთად ვფიქრობთ

ევროპისთვის აღმოსავლეთ პარტნიორობა და მათ შორის, რა თქმა უნდა, საქართველო არის მნიშვნელოვანი პრიორიტეტული მიმართულება, რომლის განვითარებასა და პერსპექტივებზე ჩვენ ერთად ვფიქრობთ, - ამის შესახებ საქართველოს პრემიერ-მინისტრის მრჩეველმა საერთაშორისო ურთიერთობათა საკითხებში, ირაკლი ჩიქოვანმა განაცხადა.

პრემიერ-მინისტრის პრესსპიკერმა ისაუბრა აღმოსავლეთ პარტნიორობის ლიდერთა დიალოგზე, რომელიც 18 ივნისს, ვიდეოკონფერენციის ფორმატში, ევროპული საბჭოს პრეზიდენტ შარლ მიშელისა და ევროკომისიის პრეზიდენტ ურსულა ფონ დერ ლაიენის ხელმძღვანელობით გაიმართება. ღონისძიებაში საქართველოს მხრიდან მონაწილეობს პრემიერ-მინისტრი გიორგი გახარია.

„ღონისძიებაში მონაწილეობას მიიღებენ ევროკავშირის წევრი სახელმწიფოებისა და მთავრობის მეთაურები და პარტნიორი სახელმწიფოების მთავრობის მეთაურები. შეხვედრაზე განიხილება ის საკითხები, რომლებიც დაკავშირებულია აღმოსავლეთ პარტნიორობასთან, სახელმწიფოების მიერ მიღწეულ პროგრესთან. რა თქმა უნდა, ასევე საუბარი იქნება იმ გეგმებზე, რომლებიც 2020 წლის შემდეგ უნდა განხორციელდეს პარტნიორობის ფარგლებში. კონფერენცია გვერდს ვერ აუვლის მსოფლიო პანდემიასაც. რომ არა პანდემია, 18 ივნისს დაგეგმილი იყო აღმოსავლეთ პარტნიორობის სამიტი. მნიშვნელოვანია, რომ ევროკავშირმა გადაწყვიტა, ეს თარიღი კვლავაც იყოს აქტუალური და შესაბამისად, დიალოგი ვიდეოკონფერენციის ფორმატში 18 ივნისს იმართება “, - განაცხადა ირაკლი ჩიქოვანმა.

როგორც პრემიერის მრჩეველმა აღნიშნა, 2021 წლის პირველ ნახევარში გაიმართება სრულფასოვანი სამიტი, სადაც კონკრეტული გადაწყვეტილებები იქნება მიღებული აღმოსავლეთ პარტნიორობის სამომავლო განვითარებასთან დაკავშირებით.

„ჩვენ ვისაუბრებთ საქართველოს პროგრესზე, აღმოსავლეთ პარტნიორობის თანამშრომლობის ფარგლებში, უკვე განხორციელებულ და სამომავლოდ დაგეგმილ რეფორმებზე, რომლებიც ამ აღმოსავლეთ პარტნიორობის პროგრამით გათვალისწინებული თანამშრომლობის ნაწილია. ხაზგასასმელია ის ფაქტი, რომ ბოლო პერიოდის განმავლობაში, ეს არის უკვე მეორე მაღალი დონის ღონისძიება, რომელიც კიდევ ერთხელ ნათლად მიუთითებს იმაზე, რომ ევროპისათვის აღმოსავლეთ პარტნიორობა და მათ შორის, რა თქმა უნდა, საქართველო არის მნიშვნელოვანი პრიორიტეტული მიმართულება, რომლის განვითარებასა და პერსპექტივებზე ჩვენ ერთად ვფიქრობთ“, - განაცხადა ირაკლი ჩიქოვანმა.

აღნიშნულ ინფორმაციას მთავრობის ადმინისტრაცია ავრცელებს.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე