ეკატერინე ტიკარაძე - დღეს ამაყად ვდგავართ ჩვენი საზოგადოების წინაშე, ვინაიდან ჩვენ გამოვიჩინეთ ძალიან მაღალი პასუხისმგებლობა

ჯანდაცვის მინისტრის, ეკატერინე ტიკარაძის განცხადებით, პირველი ნაბიჯები გვაქვს გადადგმული, გვქონდეს იმის იმედი, რომ საქართველო კორონავირუსის ეპიდემიას წარმატებით გაართმევს თავს.

ტიკარაძის თქმით, შესაბამისი უწყებების ერთობლივმა კოორდინირებულმა მუშაობამ საშუალება მოგვცა კორონავირუსის პირველი ტალღა წარმატებით გვემართა.

„ამ ეტაპზე ჩვენ ნამდვილად გვაქვს პირველი ნაბიჯები, გვქონდეს იმედი იმის, რომ ნამდვილად წარმატებით გავართმევთ თავს ამ გამოწვევას. ჩემთვის ძალიან მნიშვნელოვანი იყო ამ პერიოდის მანძილზე სისტემური მიდგომა და კოორდინაცია იმისთვის, რომ სასწრაფო გადაუდებელი დახმარების სისტემას, დაავადებათა კონტროლის ცენტრს ერთობლივად, უხარვეზოდ ეთანამშრომლა ჰოსპიტალურ სექტორთან; იმისათვის, რომ ჩვენს ექიმებს, სამედიცინო პერსონალს ჰქონოდათ უზრუნველყოფილი ყველა ის საჭირო აღჭურვილობა მათი უსაფრთხო სამუშაო გარემოს შექმნისთვის. ასევე თითოეული პაციენტის დროული იდენტიფიცირება, მათი ლოკალიზება და შემდგომ უსაფრთხო გადაადგილება შესაბამის სამედიცინო დაწესებულებამდე ეს ნამდვილად დიდი გამოწვევა და პრიორიტეტი იყო. ყველა ეს ქმედითი ნაბიჯი, რა თქმა უნდა, ორგანიზებული იყო სამინისტროს მხრიდან და სამინისტროს ჰქონდა წარმატებული კოორდინაცია ყველა დანარჩენ უწყებასთან. ყველა ამ უწყების ერთობლივმა ნაბიჯებმა ჩვენ მოგვცა იმის საშუალება, რომ პირველი ტალღა გვემართა. დღეს ამაყად ვდგავართ ჩვენი საზოგადოების წინაშე, ვინაიდან ჩვენ გამოვიჩინეთ ძალიან მაღალი პასუხისმგებლობა. ამასთან, არ უნდა დაგვავიწყდეს, რომ ვერც ექიმები და ვერც სამთავრობო გუნდის ერთობლიობა და კოორდინაცია ვერ მოგვცემდა შედეგს, რომ არა ჩვენი მოქალაქეების მაღალი პასუხისმგებლობა და მათი გვერდში დგომა“, - განაცხადა ტიკარაძემ.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
თორნიკე ჯანაშვილი - “რეფორმერი" პოლიტიკაში მოდის
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ