ჯანდაცვის მინისტრის მოადგილე - 2019 წელს, 35%-ით შემცირდა გარდაცვალებათა რაოდენობა სამუშაო ადგილებზე

2019 წელს, 35%-ით შემცირდა გარდაცვალებათა რაოდენობა სამუშაო ადგილებზე, - ამის შესახებ ჯანდაცვის მინისტრის მოადგილემ, თამარ ბარკალაიამ სამინისტროს 2019 წლის ანგარიშის პრეზენტაციაზე განაცხადა.

მინისტრის მოადგილის თქმით, მიმდინარეობს დამატებითი რეკომენდაციების შემუშავება იმისათვის, რომ შრომის ინსპექციის მანდატი კიდევ უფრო გაძლიერდეს.

როგორც ბარკალაიამ აღნიშნა, შრომის უსაფრთხოების მიმართულებით ბოლო ექვსი თვის განმავლობაში 12 000-ზე მეტი ინსპექტირება ჩატარდა.

„ჩვენ აქტიურად ვმუშაობდით 2019 წელის განმავლობაში ჩვენს სოციალურ პარტნიორებთან ერთად, რომ ინსტიტუციურად გაგვეძლიერებინა შრომის უსაფრთოების სისტემა. ჩვენ ინსპექციის სამსახური გავაძლიერეთ და შევქმენით როგორც დეპარტამენტი, რომელიც ამ ეტაპზე სამი მიმართულებითაა მოქმედი. სამუშაო ადგილებზე შრომის პირობების უსაფრთხოება არის ძირითადი მანდატი, ასევე ტრეფიკინგის შემთხვევების იდენტიფიცირება სამუშაო ადგილებზე, შესაბამისი რეაგირება და განსაკუთრებით მნიშვნელოვანია შრომის უსაფრთხოების მონიტორინგი პანდემიის პერიოდში. ამ პერიოდში ეტაპობრივად იზრდება ინსპექტირებების რაოდენობა. 2019 წელს დაახლოებით 900-მდე ინსპექტირება იყო შრომის უსაფრთხოების მიმართულებით, ხოლო 12 000 - მეტი ინსპექტირება ბოლო 6 თვის განმავლობაში ჩატარდა.

2019 წელს ძალიან კარგი შედეგი დაიდო, სადაც 35%-ით შემცირდა გარდაცვალებათა რაოდენობა სამუშაო ადგილებზე, ჩვენი მიზანია კიდევ უფრო მეტად გავაძლიეროთ ჩვენი პრევენციული ზომები და დამსაქმებელთან თანამშრომლობა იმისათვის, რომ მაქსიმალურად შევამციროთ გარდაცვალებები და უბედური შემთხვევები სამუშაო ადგილებზე. შესაბამისად, ხდებოდა რეკომენდაციების შემუშავება და იმ მანდატის გაძლიერება, რაც შრომის ინსპექციას დღეს გააჩნია“, - განაცხადა ბარკალაიამ.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა
"ალდაგში" ავტოდაზღვევის კამპანია დაიწყო - დააზღვიე და მზად ხარ!
კახა ოქრიაშვილი ე.წ. ჩრდილოვან კაბინეტთან დაკავშირებით პოზიციას ავრცელებს
ელემენტ კონსტრაქშენი ISO 9001:2015-ის მფლობელი გახდა
პორშეს ახალი, უნიკალური ელექტრომობილი Taycan Cross Turismo საქართველოშია