კატერინ სმოლვუდი - „დექსამეტაზონი“ კორონავირუსით ინფიცირებული მძიმე პაციენტებისთვისაა, რომლებიც საჭიროებენ ჟანგბადს ან ხელოვნურ ვენტილაციას

მსოფლიო ჯანდაცვის ორგანიზაციის საგანგებო მდგომარეობის უფროსი ოფიცრის, კატერინ სმოლვუდის განცხადებით, „დექსამეტაზონი“ იმ კოვიდინფიცირებული პაციენტების შემთხვევაშია ეფექტური, რომლებსაც დაავადება მძიმე ფორმებში გამოუვლინდათ, რომლებიც საჭიროებენ ჟანგბადს ან ხელოვნურ ვენტილაციას. ამის შესახებ კატერინ სმოლვუდმა „ინტერპრესნიუსის“ მიერ დასმული კითხვის საპასუხოდ განაცხადა, თუ რამდენად ეფექტურია „დექსამეტაზონი“ კოვიდინფიცირებული ყველა პაციენტის შემთხვევაში.

„რაც შეეხება „დექსამეტაზონს“, რომელიც არის სტეროიდული მედიკამენტი. ჩვენ ვიკვლევთ მონაცემებს და ვეძებთ უფრო მეტ დეტალს მედიკამენტთან დაკავშირებით. ამ დროისთვის ჩვენ გვაქვს დამაიდებელი, პოზიტიური მონაცემები რამდენიმე კვლევის, მათ შორის იმ კვლევების შედეგად, რომელსაც გაერთიანებული სამეფო ატარებს. ეს შედეგები აჩვენებს, რომ პრეპარატი შედეგიანია კორონავირუსით მძიმედ დაავადებულ ადამიანებზე, რაც იმას ნიშნავს, რომ ამ მედიკამენტის გამოყენება ეფექტური არ იქნება კორონავირუსის მქონე ყველა პაციენტის შემთხვევაში, არამედ ის ამცირებს სიკვდილიანობის მაჩვენებელს იმ პაციენტების შემთხვევაში, ვისაც ჟანგბადი სჭირდება ან ხელოვნურ ვენტილაციაზეა. ამიტომ რეალურად ეს მედიკამენტი იმ პაციენტებისთვისაა, ვისაც დაავადება მძიმე ფორმებში გამოუვლინდა,“ - განაცხადა კატერინ სმოლვუდმა.

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან