თურქეთის თავდაცვის სამინისტროს ინფორმაციით, თურქულმა ძალებმა ჩრდილოეთ ერაყში, 36-საათიანი ოპერაციის ფარგლებში, „ქურთისტანის მუშათა პარტიის“ 500-ზე მეტი სამიზნე გაანადგურეს. სამინისტროს ინფორმაციით, ოპერაციაში თურქული ეფ-16 ტიპის გამანადგურებლები, დრონები და ქვემეხები იყვნენ ჩართული.
შეგახსენებთ, თურქეთმა ერაყის ჩრდილოეთ ნაწილში, ჰაფთანინის პროვინციაში, ოპერაცია „ვეფხვის კლანჭი“ სამშაბათს დაიწყო. თურქეთი „ქურთისტანის მუშათა პარტიას“ ტერორისტულ ორგანიზაციად აღიარებს და მათ წინააღმდეგ განხორციელებულ ოპერაციას ანტიტერორისტულ ოპერაციას უწოდებს.