თადარიგის პოლკოვნიკის, დოდო გუგეშაშვილის განზრახ მკვლელობის მცდელობისა და ნოდარ გუგეშაშვილის განზრახ მკვლელობის ბრალდებით დაკავებული ლეიტენანტი, ზაზა მურჯიკნელი კვლავ პატიმრობაში რჩება.

დღევანდელ სასამართლო პროცესზე, სადაც მტკიცებულებების დასაშვებობაზე იმსჯელეს, მურჯიკნელის მიმართ შეფარდებული აღკვეთის ღინისძიება პატიმრობა ძალაში დარჩა. აღნიშნული გადაწყვეტილება თბილისის საქალაქო სასამართლოს მოსამართლე ნატო ხუჯაძემ მიიღო.

ცნობისთვის, ბრალდებულ ზაზა მურჯიკნელს ბრალი სისხლის სამართლის კოდექსის 109-ე მუხლის პირველი ნაწილის "გ" ქვეპუნქტით და 19-109 მუხლის მესამე ნაწილის "ა" ქვეპუნქტით, 236-ე მუხლის მეორე და მესამე ნაწილით აქვს წარდგენილი, რაც გულისხმობს განზრახ მკვლელობას დანაშაულის დაფარვისთვის, ასევე ორი ან მეტი პირის მიმართ განზრახ მკვლელობის მცდელობას და ცეცხლსასროლი იარაღის მართლსაწინააღმდეგო შეძენა-შენახვას.