ანა დოლიძემ, ალეკო ელისაშვილმა და ლევან კობერიძემ ახალი პოლიტიკური პლატფორმა შექმნეს

იუსტიციის უმაღლესი საბჭოს არამოსამართლე წევრმა ანა დოლიძემ სამოქალაქო მოძრაობის ლიდერ ალეკო ელისაშვილთან, ლევან იოსელიანთან და პარლამენტის დამოუკიდებელ დეპუტატ ლევან კობერიძესთან ერთად ახალი პოლიტიკური პლატფორმა შექმნა. შესაბამის მემორანდუმს ხელი დღეს მოაწერეს.

როგორც ანა დოლიძემ სიტყვით გამოსვლისას განაცხადა, სუფთა, ქვეყანაზე გულანთებულმა პარტიოტმა ადამიანმა სხვებთან ერთად უნდა მოხდინოს ძალთა გაერთიანება და მობილიზება იმისთვის, რომ ქვეყანაში ახალი დღის წესრიგი შეიქმნას.

„ჩვენ, მოქალაქეები, ვისაც გული შეგვტკივა ჩვენი ქვეყნის წარსულზე, აწმყოსა და მომავალზე, შევიკრიბეთ დღეს აქ, ღირსშესანიშნავ ადგილას იმისთვის, რომ ხელი მოვაწეროთ მემორანდუმს, რომელიც დაფუძნებულია შემდეგ ძირითად პრინციპებზე და ამ პრინციპებს ახლა მოგახსენებთ: ჩვენ ვხედავთ, რომ ჩვენი ქვეყანა არის ჩაფლული უპერსპექტივობის ჭაობში და ჩვენი თანამოქალაქეები დარჩენილი არიან ცუდსა და უარესს შორის არჩევანის პირისპის. ვხედავთ, რომ საზოგადოების დღის წესრიგი მონოპოლიზებული აქვს ორ ძალას, რომელიც ფსევდო დაპირისპირებით სინამდვილეში ერთმანეთს აძლიერებს, ხოლო ხალხის ყოველდღიური და რეალური პრობლემები და გაჭირვება ამ პოლარიზებული დღის წესრიგის მიღმა რჩება. ჩვენ მიგვაჩნია, რომ პოლიტიკის არსი და პოლიტიკოსების როლი არის ხალხის მსახურება და არა პრივილეგიების მოხვეჭა. ის, როგორც ეს დღეს ხდება. ჩვენ გვაერთიანებს სუფთა წარსული. ჩვენ აქამდეც ვიბრძოდით, ვშრომობდით და კიდევ უფრო თავდაუზოგავად ვიშრომებთ საქართველოს წარმატებისთვის, კეთილდღეობისთვის და ჩვენი ქვეყნის ევროატლანიკურ ოჯახში გაერთიანებისთვის. ჩვენი ამოცანა არის შევქმნათ მსჯელობისა და დისკუსიის განსხვავებული პლატფორმა, რომელიც გახდება დღევანდელი პოლარიზებული ატმოსფეროს ახალი, ჯანსაღი ალტერნატივა, რომელიც თავის გარშემო შემოიკრებს მსგავსი ფასეულობების პატრიოტ, კეთილსინდისიერ და ჩვენს ქვეყანაზე მზრუნველ მოქალაქეებს. ჩვენ გვწამს, რომ ჩვენი ძალისხმევის გაერთიანებით შეგვიძლია შევქმნათ ისეთი ახალი დღის წესრიგი, რომელზეც ავაშენებთ წარმატებულ და თავისუფალ საქართველოს. მე, როგორც საქართველოს მოქალაქე ხელს ვაწერ დღეს ამ მემორანდუმს, ვინაიდან ვფიქრობ, რომ სუფთა, ქვეყანაზე გულანთებულმა პარტიოტმა ადამიანმა სხვებთან ერთად უნდა მოხდინოს ძალთა გაერთიანება და მობილიზება იმისთვის, რომ ქვეყანაში შექმნას ახალი დღის წესრიგი. გაარღვიოს ის პოლარიზებული კლიმატი, რომელიც არსებობს ჩვენს ქვეყანაში და ეს ქვეყანა დააყენოს სწრაფი განვითარების გზაზე“,- განაცხადა დოლიძემ.

ახალი პოლიტიკური პლატფორმის კიდევ ერთი ლიდერის, ლევან კობერიძის თქმით კი, თუ პოლიტიკურ ველზე გარღვევა არ მოხდება, წარმოუდგენელია თითეული ჩვენგანის ცხოვრება უკეთესობისკენ შეიცვალოს.

„ის ორპოლუსიანობა, რაც დღეს არის შექმნილი ქვეყანაში „ნაციონალური მოძრაობისა“ და „ქართული ოცნების“ თანავარსკვლავედის სახით, ცდილობს დაარწმუნოს ყველა, რომ პოლიტიკა ხალხის საქმე არ არის, რომ მათ უფრო კარგად იციან, როგორ უნდა იცხოვრონ ადამიანებმა. ისინი ცდილობენ, ამ ორპოლუსიანობით ერთამანეთი კვებონ და დღის წესრიგი გადაიტანონ აბსოლუტურად სხვა საკითხებზე, ვიდრე არის რეალურად. ეს ყველაზე მთავარია, რასაც გვინდა დავუპირისპირდეთ და სადაც გვინდა, რომ მოვახდინოთ გარღვევა. ადამიანებს სურთ, თავიანთი არჩევანი იპოვონ პოლიტიკურ სპექტრში. ეს არჩევანი დღეს ან ძალიან მწირია, ან პრაქტიკულად, არ არსებობს. აქ შეკრებილმა ადამიანებმა კი თავისი შრომით და ნიჭით მიაღწიე იმას, რასაც მიაღწიეს“, - განაცხადა კობერიძემ პრეზენტაციაზე.

მისი თქმით, პლატფორმის გარშემო გაერთიანებული ადამიანების სურვილია ორგანიზებულად გადადგან ნაბიჯი „ორპულუსიანობის გარღვევისკენ“ და შექმნან ისეთი სივრცე, სადაც ჯანსაღი ძალების მსჯელობას ექნება ადგილი.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა
ვანო ჩხარტიშვილი - მამუკა ხაზარაძე დღეს მომავლის საშვის აღებას წარსულის გადაწერით ცდილობს
ძუძუს კიბო და ადრეული დიაგნოსტირების როლი მის მკურნალობაში
„თბილღვინო“ სოციალური პასუხისმგებლობის ფარგლებში შეჭირვებულ ოჯახებს ეხმარება
საუკეთესო სავალუტო კურსი ტერაბანკისგან
საქართველოში სერვისი ბინა გაქირავების გარანტიით შემოვიდა - მესაკუთრეები დაზღვევის სახით ბინის ღირებულების 5%-ს მიიღებენ