სომხეთის ცენტრალური ბანკის ახლად დანიშნულ პრეზიდენტსა და საქართველოს ეროვნული ბანკის პრეზიდენტს შორის პირველი საუბარი შედგა

დღეს კობა გვენეტაძე სომხეთის ეროვნული ბანკის ახალ პრეზიდენტს ვიდეოზარის საშუალებით ესაუბრა,- ამის შესახებ „ინტერპრესნიუსს“ საქართველოს ეროვნული ბანკიდან აცნობეს.

კობა გვენეტაძემ სომხეთის ეროვნული ბანკის პრეზიდენტს თანამდებობაზე დანიშვნა მიულოცა და სამომავლო საქმიანობაში წარმატებები უსურვა.

„საუბარი შეეხო პანდემიასთან ბრძოლის კუთხით გატარებულ ღონისძიებებს, COVID-19-ის საფინანსო სექტორზე უარყოფითი ზეგავლენის შერბილებისა და ეკონომიკის წახალისების მიზნით გადადგმულ ნაბიჯებს. ყურადღება გამახვილდა რეგიონის ეკონომიკურ მდგომარეობასა და საფინანსო სექტორში არსებულ გამოწვევებსა და საფრთხეებზე.

ვიდეოკონფერენციისას მხარეებმა ასევე ისაუბრეს საერთაშორისო სავალუტო ფონდის პროგრამით დახმარების მნიშვნელობაზე, რომელიც ორივე ქვეყნისათვის საშუალოვადიანი ზრდის პოტენციალის შენარჩუნებასა და COVID-19 პანდემიის შემდეგ ეკონომიკის სწრაფ აღდგენას უზრუნველყოფს.

საუბრისას ხაზი გაესვა აქტიური თანამშრომლობის მნიშვნელობას, განსაკუთრებით COVID-19-ით შექმნილი ეკონომიკური გამოწვევების ფონზე.

შეხვედრისას, კობა გვენეტაძემ ხაზი გაუსვა საქართველოს ეროვნულ ბანკსა და სომხეთის ეროვნულ ბანკს შორის არსებულ მჭიდრო საქმიან ურთიერთობებს. ორივე მხარემ იმედი გამოთქვა, რომ თანამშრომლობა შემდგომშიც გაგრძელდება, რაც ხელს შეუწყობს ცენტრალურ საბანკო სისტემის გაძლიერებას რეგიონში,”-აღნიშნულია ინფორმაციაში.

ცნობისთვის, მარტინ გალსტიანი უფლებამოსილების შესრულებას 13 ივნისიდან შეუდგა.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან