ირაკლი აბუსერიძე და ლევან დავითაშვილი ღვაწლმოსილ პედაგოგს ესტუმრნენ და სასაჩუქრე კალათა გადასცეს

საპარლამენტო ფრაქცია „ქართული ოცნება - ძლიერი საქართველოსთვის“ თავმჯდომარე ირაკლი აბუსერიძე, საკრებულოს წევრ ლევან დავითაშვილთან და ისნის რაიონის გამგებელ კახა ლაბუჩიძესთან ერთად 139-ე საჯარო სკოლის ღვაწლმოსილ პედაგოგს, ნონა კვასხვაძეს პირადად ესტუმრნენ და სასურსათო კალათა და მედიკამენტები გადასცეს. ამის შესახებ „ინტერპრესნიუსს“ საქართველოს პარლამენტიდან აცნობეს.

მათივე ინფორმაციით, დეპუტატები ხანდაზმულ, მარტოხელა პედაგოგს თანადგომას დაპირდნენ და თაობების აღზრდაში გაწეული ღვაწლისთვის მადლობა გადაუხადეს.

პედაგოგის ინფორმაციით, მაჟორიტარები მას ყურადღების მიღმა არასდროს ტოვებენ და ხშირად ეხმარებიან სხვადასხვა სახის პრობლემის მოგვარებაში.

„პედაგოგობა ერთ-ერთი ყველაზე საპატიო, საპასუხისმგებლო და ღირსეული პროფესიაა, შეუფასებელი და ფასდაუდებელია მასწავლებლის როლი მომავალი თაობების აღზრდაში, სწორედ მასწავლებელია ის ადამიანი, ვინც ყოველდღიური, დაუღალავი შრომის შედეგად ქმნის ჩვენი ქვეყნის წარმატებული მომავლის მყარ საფუძველს.

დღეს ვესტუმრეთ ერთ-ერთ დამსახურებულ და სახელგანთქმულ პედაგოგს, ქალბატონ ნონა კვასხვაძეს, რომელიც 45 წელი ერთგულად ემსახურა სკოლას და არაერთი წარმატებული თაობა აღუზარდა ჩვენს ქვეყანას, ის უზომოდ შეყვარებულია საკუთარ პროფესიაზე და სკოლაში გატარებულ თითოეულ დღეს, ნებისმიერი აქტივობის ამსახველ ფოტოებსა და დოკუმენტურ მასალას არქივში ინახავს. გმირული შრომისთვის და სამშობლოს წინაშე გაწეული ღვაწლისთვის მსურს, მადლობა გადავუხადო ქალბატონ ნონას და ჩვენი სახელით სრული მხარდაჭერა გამოვუცხადო“ , - განაცხადა ირაკლი აბუსერიძემ.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს