ბელორუსის პრეზიდენტობის პოტენციური კანდიდატი ვიქტორ ბაბარიკო დააპატიმრეს

ბელარუსის პრეზიდენტობის პოტენციური კანდიდატი ვიქტორ ბაბარიკო დააპატიმრეს. ადგილობრივი მედიის ცნობით, „ბელგაზპრომბანკის“ ყოფილ თავმჯდომარეს ქრთამის აღებაში, ქურდობასა და თაღლითობაში სდებენ ბრალს.

სახელმწიფო კონტროლის კომიტეტის თავმჯდომარის, ივან ტერტელის განცხადებით, „ბაბარიკო დაკავებულია იმის გამო, რომ უშუალოდ ხელმძღვანელობდა უკანონო საქმიანობას, ცდილობდა გავლენა მოეხდინა მოწმეებზე, დაემალა ადრე ჩადენილი დანაშაულის კვალი და მის მიერ კონტროლირებული ანგარიშებიდან დიდი თანხა მოეხსნა“.

მისივე თქმით, გამოძიება რამდენიმე მიმართულებით მიმდინარეობს.

გავრცელებული ინფორმაციით, ვიქტორ ბაბარიკოს სახლში დღეს ჩხრეკაც ჩატარდა.

„ბელგაზპრომბანკს“ ბაბარიკო თითქმის 20 წელი ხელმძღვანელობდა და საპრეზიდენტო კამპანიაში მონაწილეობის გამო საქმიანობა ცოტა ხნის წინ მიატოვა. 12 ივნისს პრეზიდენტმა ლუკაშენკომ განაცხადა, რომ სახელმწიფო კონტროლის კომიტეტი „ბელგაზპრომბანკის“ საქმიანობას შეამოწმებდა. ამასთან ის ირწმუნება, რომ ამ საქმეში არ არსებობს რაიმე სახის პოლიტიკური მოტივი.

თავად ბაბარიკო მომხდარს მის პოლიტიკურ საქმიანობას უკავშირებს.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე