„ფეისბუქმა“ დონალდ ტრამპის რამდენიმე რეკლამა და პოსტი იმ სიმბოლოს გამოყენების გამო წაშალა, რომელსაც ნაცისტურ გერმანიაში იყენებდნენ

კომპანია „ფეისბუქმა“ დონალდ ტრამპის ის წინასაარჩევნო რეკლამები და პოსტები წაშალა, რომლებსაც თან ახლდა ამობრუნებული წითელი სამკუთხედი - სიმბოლო, რომელსაც ნაცისტურ გერმანიაში იყენებდნენ,– ამის შესახებ ინფორმაციას „როიტერსი“ ავრცელებს.

„ფეისბუქის“ განმარტებით, წითელ სამკუთხედს ნაცისტები პოლიტიკური პატიმრების ამოსაცნობად იყენებდნენ და ტრამპის წინასაარჩევნო რეკლამებსა და პოსტებში აღნიშნული სიმბოლოს გამოყენება ორგანიზებული სიძულვილის მიმართ კომპანიის პოლიტიკის დარღვევას წარმოადგენს.

კომპანიის ინფორმაციით, თანდართული ტექსტი „ფეისბუქის“ მომხმარებლებს ანტიფაშისტური მოძრაობის, „ანტიფას“ წინააღმდეგ პეტიციაზე ხელისმოწერისკენ მოუწოდებდა.

„ჩვენი წესები კრძალავს სიძულვილის შემცველი იმ სიმბოლოების გამოყენებას, რომელსაც სიძულვილის ჯგუფები პოლიტიკური პატიმრების იდენტიფიცირების მიზნით იყენებდნენ, იმ შემთხვევაში, თუკი ეს სიმბოლოები მათზე მსჯელობის, ან კრიტიკის კონტექსტში არ არის გამოყენებული,“- განაცხადა კომპანია „ფეისბუქის“ პრესსპიკერმა.

დონალდ ტრამპის საარჩევნო კამპანიის პრესსპიკერის, თიმ მერთაფის თქმით კი, ამოტრიალებულ წითელ სამკუთხედს ორგანიზაცია „ანტიფა“ იყენებს და ის „ანტიფას“ შესახებ დაწერილ პოსტში ამ კონტექსტში იყო გამოყენებული.

კომპანია „ფეისბუქის“ ინფორმაციით, სიმბოლო დონალდ ტრამპის, ასევე ვიცე-პრეზიდენტ მაიკ პენსისა და ტრამპის მხარდამჭერთა ჯგუფის "ფეისბუქის" გვერდების მიერ გავრცელებულ რეკლამებში იყო გამოყენებული.

იხილეთ ვიდეო: "ფეისბუქმა" დონალდ ტრამპის რამდენიმე რეკლამა და პოსტი იმ სიმბოლოს გამოყენების გამო წაშალა, რომელსაც ნაცისტურ გერმანიაში იყენებდნენ

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა