აშშ-ს უზენაესმა სასამართლომ პრეზიდენტ დონალდ ტრამპის წინადადება რომ შეეწყვიტა პროგრამა, რომელიც ახალგაზრდა ემიგრანტებს დეპორტაციისგან იცავს, უკანონოდ ცნო.
BBC-ის ინფორმაციით, საქმე უზენაეს სასამართლოში მას შემდეგ გადავიდა, რაც ქვედა ინსტანციის სასამართლოებმა განაცხადეს, რომ ტრამპის ადმინისტრაციამ ვერ წარადგინა ადეკვატური განმარტება, რა მიზეზით სურდა DACA-ს პროგრამის შეწყვეტა.
უზენაესი სასამართლოს გადაწყვეტილებას დონალდ ტრამპი სოციალურ ქსელ „ტვიტერში“ გამოეხმაურა და “საშინელი და პოლიტიკურად დამუხტული“ უწოდა.
ბარაქ ობამას ადმინისტრაციის დროს დამკვიდრებული DACA-ს პროგრამა “მეოცნებეების“ სახელით ცნობილ 650 000 ახალგაზრდას, რომლებმაც აშშ-ში საჭირო დოკუმენტაციის გარეშე მაშინ შევიდნენ, როდესაც ბავშვები იყვნენ, დეპორტაციისგან იცავს. პრეზიდენტის განკარგულება, რომელიც „მეოცნებეებს“ სწავლისა და მუშაობის უფლებასაც ანიჭებს, 2012 წელს ბარაქ ობამას ადმინისტრაციის დროს ამოქმედდა.