"სინერჯი კაპიტალი" ახალი ბანას მშენებლობის მხარდამჭერი გახდა

,,სინერჯი კაპიტალმა” და ,,ხანძთელის ფონდმა” მემორანდუმი გააფორმეს ახალი ბანას ფონდთან. მემორანდუმის მიხედვით, სინერჯი კაპიტალი ახალი ბანას პროექტს ორი მიმართულებით გააძლიერებს: ერთი მხრივ, ,,სინერჯი კაპიტალი” (თანამშრომლებთან ერთად) ფინანსურ რესურსს მიმართავს ახალი ბანას ასაშენებლად, მეორე მხრივ კი, ,,ხანძთელის ფონდი” ხელს შეუწყობს დონორების მოძიებასა და მათ ჩართვას აღნიშნულ პროექტში.

სურამისა და ხაშურის ეპარქიაში მშენებარე ახალი ბანას სამონასტრო-საგანმანათლებლო კომპლექსი ისტორიული ტაო-კლარჯეთის ტერიტორიაზე არსებული ბანას (VII ს) ანალოგიური იქნება.

ტაძრის შემოგარენში დაგეგმილია სხვადასხვა ფუნქციური შენობა-ნაგებობების განთავსება, რომლებსაც კულტურულ-საგანმანათლებლო და რეკრეაციული დანიშნულება ექნება.

,,საუკუნის პროექტი ჩვენთვის დამატებით განსაკუთრებულ მნიშვნელობას ატარებს, რადგან ,,სინერჯი ჯგუფის" დაარსების თარიღი გრიგოლ ხანძთელის ხსენების დღეს ემთხვევა. ჩვენი გუნდი ყოველ წელს მივემგზავრებით ტაო-კლარჯეთის ისტორიული ძეგლების მოსანახულებლად, მათ შორის, გამორჩეულ ყურადღებას ვუთმობთ ბანას უნიკალურ ტაძარს.

ცოტა ხნის წინ მოვინახულეთ ახალი ბანას მშენებლობაც. შთამბეჭდავია უკვე რაც გაკეთებულია ისიც. ჩვენთვის დიდი პატივია ამ პროექტის მხარდაჭერა. ვაპირებთ, ასევე, ტრადიციად ვაქციოთ ახალი ბანას მონახულება.” - აცხადებენ ,,სინერჯი კაპიტალში”.

აღნიშნულ ინფორმაციას "სინერჯი კაპიტალი" ავრცელებს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ