საპარლამენტო კომიტეტები დასაქმების სახელმწიფო პოლიტიკის შესახებ კანონპროექტს განიხილავენ

ადამიანის უფლებათა დაცვისა და სამოქალაქო ინტეგრაციის, დარგობრივი ეკონომიკისა და ეკონომიკური პოლიტიკის, რეგიონული პოლიტიკისა და თვთმმართველობის, საპროცედურო საკითხთა და წესების კომიტეტების ერთობლივ სხდომაზე დასაქმების სახელმწიფო პოლიტიკის შესახებ კანონპროექტს განიხილავენ. კანონპროექტის თანახმად, სახელმწიფოს მაკოორდინირებელი ფუნქცია მიენიჭება ბიზნესს, განათლებასა და დასაქმებას შორის. დასაქმების მაძიებელი „ერთი ფანჯრის პრინციპით“ შეძლებს შემდეგი სერვისების მიღებას: - სამუშაო ადგილის შეთავაზება, - პროფესიული გადამზადება, - ანაზღაურებადი სტაჟირება და ხელფასების სუბსიდირება, - ბიზნესის ხელშეწყობის სახელმწიფო პროგრამები, - საზღვარგარეთ დასაქმება. სახელმწიფო სამუშაოს მაძიებელს დაეხმარება ვაკანსიის მოძებნაში, პროფესიულ გადამზადებასა და ბიზნესის წამოწყებაში.

ახალი კანონპროექტის მიხედვით, დასაქმების სააგენტოს სპეციალისტი, სამუშაოს მაძიებელს ინდივიდუალურად გაესაუბრება და შეისწავლის მის პროფესიულ უნარ-ჩვევებს, კვალიფიკაციას და შესთავაზებს შესაბამის ვაკანსიას სასურველი პირობებითა და შესაბამისი ანაზღაურებით, ან შესთავაზებს პროფესიული გადამზადების კურსებს. გარდა ამისა, კანონპროექტის თანახმად, სახელმწიფო შრომის ანაზღაურების სუბსიდირებას მოახდენს. მოტივაციის ასამაღლებლად, მოწყვლადი ჯგუფების წარმომადგენლების დასაქმების შემთხვევაში, სახელმწიფო ბიზნესს გარკვეული პერიოდის განმავლობაში, შრომის ანაზღაურების სუბსიდიას გადაუხდის ან ფასიან სტაჟირებას შესთავაზებს.

კანონპროექტში ჩადებულია საპარლამენტო ზედამხედველობის მექანიზმი. ყოველწლიურად პარლამენტი მთავრობის ანგარიშს მოისმენს და შეიმუშავებს რეკომენდაციებს სხვადასხვა უწყებისთვის. დასაქმების სფეროს მასშტაბური რეფორმის გატარებისთვის, პარლამენტი კანონპროექტის ამოქმედების რამდენიმე ეტაპს შეიმუშავებს.

ვიქტორ ყიფიანი - შავი ზღვის რეგიონისადმი დასავლეთის მიდგომა ოპერატიულად გადახედვასა და მისადაგებას საჭიროებს
ქართული პრესის მიმოხილვა 03.07.2020
კახა კუკავა - „თავისუფალი საქართველოს“ გარდა, მთელი პოლიტიკური სპექტრი დაშლილებში აწყობილი პარტიებია - ზოგი „ქოცების“ დაშლილებია, ზოგი „ნაცების“
ყაზახეთის რესპუბლიკის ელჩი საქართველოში - ყაზახეთის მიღწევა: პირველი პრეზიდენტის ნ. ნაზარბაევის როლზე (R)
თიბისი იპოთეკური სესხების სუბსიდირების სახელმწიფო პროგრამაში ერთვება
როგორ ვლინდება ლაქტოზის აუტანლობა და რით შეგვიძლია ჩავანაცვლოთ ცხოველური რძე ბავშვთა კვებაში?
მაკა ასათიანი განცხადებას ავრცელებს
„მზადება ზაფხულისთვის“  (R)
"პროკრედიტ ბანკმა" საკუთარი მზის ელექტროსადგური წარადგინა