სოფო კილაძე - არ მაქვს მოლოდინი, რომ ჩვენი გუნდიდან ვინმე საკონსტიტუციო ცვლილებებს მხარს არ დაუჭერს

მე არ მაქვს მოლოდინი, რომ ჩვენი გუნდიდან ვინმე საკონსტიტუციო ცვლილებებს მხარს არ დაუჭერს, რადგან „ქართულმა ოცნებამ" გასცა ეს დაპირება და „ქართულმა ოცნებამ" ზუსტად იცის, რომ ამ ცვლილებებით და მის გარეშეც ის არის უპირობო ლიდერი პოლიტიკურ სპექტრში,- ამის შესახებ ადამიანის უფლებების კომიტეტის თავმჯდომარე სოფო კილაძემ ჟურნალისტებთან განაცხადა.

ის ასევე გამოეხმაურა, დღეს ჩანიშნულ უმრავლესობის სხდომას და აღნიშნა, რომ ამაში გასაკვირი არაფერია, რადგან "ქართული ოცნების" გუნდი გადაწყვეტილებებს გუნდურად იღებს.

„ერთი მხრივ, ოპონენტები გვადანაშაულებენ იმაში, რომ გადაწყვეტილებები მიიღება ერთპიროვნულად, მეორე მხრივ, როცა ყველა მნიშვნელოვანი საკითხისთვის ვიკრიბებით და გუნდურად ვიღებთ გადაწყვეტილებას, გაკვირვების კითხვაა - რატომ იკრიბება „ქართული ოცნება“. რა თქმა უნდა, შეიკრიბება „ქართული ოცნება“, საკონსტიტიციო ცვლილებები ისეთი საკითხია, სადაც გუნდურად უნდა მივიღოთ გადაწყვეტილება. დარწმუნებული ვარ, რომ საკონსტიტუციო ცვლილებებს ჩვენი გუნდის ყველა წევრი დაუჭერს მხარს ისევე, როგორც სხვა ნაწილი ოპოზიციის, რომელმაც მზადყოფნა გამოთქვა ამ ცვლილებების მხარდაჭერის. მე არ მაქვს მოლოდინი, რომ ჩვენი გუნდიდან ვინმე არ დაუჭერს მხარს საკონსტიტუციო ცვლილებებს, რადგან „ქართულმა ოცნებამ" გასცა ეს დაპირება და „ქართულმა ოცნებამ" ზუსტად იცის, რომ ამ ცვლილებებით და მის გარეშეც პროპორციული თუ მაჟოროტარული სისტემით, ის არის უპირობო ლიდერი არსებულ პოლიტიკურ სპექტრში. ამიტომ ჩვენს ინტერესშია, ეს ცვლილებები მივიღოთ, რომელიც სასიკეთოდ წაადგება ქვეყანას,"- განაცხადა კილაძემ.

არსებული ინფორმაციით, უმრავლესობის სხდომა დღეს 3 საათზეა ჩანიშნული. ცნობისათვის, დღესვე იურიდიულ კომიტეტში საკონსტიტრუციო ცვლილებების განხილვა გაიმართება. ხოლო კვირას, 21 ივნისს, პარლამენტის რიგგარეშე სხდომა გაიმართება, სადაც საკონსტიტუციო ცვლილებების პირველი მოსმენით განხილვა და კენჭისყრა იგეგმება.

კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
ქართული პრესის მიმოხილვა 29.07.2021
ლევან ალაფიშვილი - ოპოზიციამ მიუტევებელი შეცდომა დაუშვა, როცა პლებისციტი თვითმმართველობის არჩევნებზე მიბმულ პროცენტში გაცვალა
საქართველოს ეროვნული უნივერსიტეტის და SEU DEVELOPMENT-ის ერთობლივი საჩუქარი SEU-ს სტუდენტს და ოლიმპიურ ჩემპიონს, ლაშა ბექაურს
ქართული ეროვნული მაუწყებლების მიერ ფასიანი ტრანზიტის მოთხოვნასთან დაკავშირებით საქართველოს საკაბელო ტელევიზიების კავშირი განცხადებას ავრცელებს
განახლებული ფორმატითა და მიზნებით - Setanta Sports-ი მაუწყებლობას 13 ქვეყანაში იწყებს
ჩაერთე სილქფესტის შეთავაზებებში და გაიაქტიურე დიდი მოცულობის ინტერნეტ და სასაუბრო პაკეტები
"ტანტა" და თერაპიის ცენტრი "გრადაცია" - Social Impact Award 2021-ის ფინალისტები ინკლუზიური მისიით
რა უპირატესობები აქვს სამსუნგის სმარტფონს ოფიციალური ჰოლოგრამით?
სიახლე PSP-სგან - ფრანგული დერმატოლოგიური კოსმეტიკის ინოვაციური ბრენდი SVR უკვე საქართველოშია
გაყინული კრემიდან „თოლიას“ რეცეპტებამდე, ანუ ყველაფერი, რაც ნაყინის შესახებ უნდა იცოდე